السلام عليكم ورحمة الله وبركاته
هذي طلبات البنات من الالف الى الياء
الالف : ابي فلوس بروح السوق خلصت الاختبارات وفكيت من الربطة ما شفت السوق من زمان
الباء : بكرة ابغاك توديني بيت اهلي عندهم عزيمة لا تتأخر
التاء : تري اليوم ماني مسوية عشاء روح للمطعم جيب عشاء ( اللي بيسمعها كل يوم تطبخ )
الثاء : ثلاث اسابيع ما طلعت من البيت يالله مشينا ( يقول للرجال ياليت السنة كلها اختبارات )
الجيم: جيب لى خدامة تساعدني على شغل البيت 0000 ( البيت نصف شقة )
الحاء: حبيبي شفت جوال جديد ابغي اشترية ( جوالها مالة اسبوع )
الخاء: خل الشلة اليوم انا عازمتك بنتعشي برى وانا اختار طبعا على حسابك
الدال: دور لنا فلة تري مليت من الشقة ( وهي ما هي قادرة تقوم بالشقة وتبي شغالة )
الذال: ذيك السنة ( قبل عشر سنوات ) قلت لك اشتري سيارة اوسع وما شريت
الراء: روح قدم على اجازة خلنا نسافر لاوروبا 00اووووف حر
الزاء: زين ما تسمع اللي بقولة ماني جالسة لك بالبيت
السين: سو للبيت حديقة كشخة وحط فيها نافورة ازين
الشين: شيل ولدك شفة يصيح هناك انا تعبانة من العيال
الصاد: صفف الملابس هناك المنثرة مليت وانا القط وراك
الضاد: ضبط اوضاعك تري كبرت المسؤولية ( توها والدة )
الطاء: طلع لنا سيارة رولزرويس تر الونيت راحت ايامة
الظاء: الظاهر انك ما تحبني ليش ما شريت لى عقد الالماس ذاك اللي طلبتة
العين: عسا ما يبغي معك ريال على شأن ماتتزوج علي ( هذا اللي هامها )
الغين: غباء والا استهبال ليش ما جبت كل اللي طلبتة منك ( طالبة السوق كلة )
الفاء: فاضي ما عندك شئ يالله السوق ( ما صدقت )
القاف: قبل اسبوع وعدتني برحلة وما نفذت ليش ( كانت راجة الدنيا وبيسكتها بس ما تنسي )
الكاف: كافي كلام اذا تحبني هات وجيب 00هات وجيب 00000000
اللام: لالالالالا ما ارضاء الا اذا شريت لي ذاك الفستان ( الله من النشبة )
الميم : ما راح انسي المقلب اللي قبل عشر سنوات
النون: نبي نحجز شالية في *** الشيخ طول الصيف
الهاء: ها تري بروح بيت اهلي اذا مالبيت لي كل الطلبات اللي طلبتها
الواو: ورني شطارتك روح عند اخوك خذ1 الورث منة ( راعية مشاكل )
الياء: يالله يدك على 20000دولار حتي ارضاء ( تتعامل بالدولار 00عنها مارضيت )
انشاء الله تعجبكم
|
 |
رد مع اقتباس
~