لا يطول غيابك ثم آخذ عليه
لو تخليت عني عنك قلبي تخلا
العذر والتعلي والحكي ما نبيه
من تحرق فؤاده في الهوى ما تغلا
طبعي الصبر لكن وش عليه ارتجيه
من طويل الصبر يعقوب وأيوب ملا
دامني حي عطني وش بقى نحتريه
ما بيدموعي كلي عقب موتي تهلا
ما بقى بالعمر مقدار ما راح فيه
كل ما زل يوم يوم بالعمر ولى
ما يعرف الجمر مثل الذي يكتويه
أحد يدفى بناره وحد فيه تصلا
يا مني القلب حطيته براحة يديه
ما رضي له مكان غير كفك محلا
كم تعذر وعيا عن هوى مهتويه
لين طاح بيمينك بالغرام وتجلى
لا يطول غيابك ثم آخذ عليه
لو تخليت عني عنك قلبي تخلى
|
 |
رد مع اقتباس
المشاركة الأصلية كتبت بواسطة ضيف الله مهدي
