بسم الله الرحمن الرحيم
اولا اخترت هذا العنوان ايسكريم وسوالف حريم على وزن فنجال وعلوم رجال لان الموضوع خاص بالحريم
بصراحه اصبحنا نضحك على انفسنا كل يوم وذلك بسبب حريمنا
ابداء بنفسى
زوجتى عندها افكار غريبه وساذجه تقول مو لازم نقتدى بالرسول فى كل شى...انا بصراحه احمر وجهى وقلت غاضبا..(استغفر الله ) ليش تقولين كذا..قالت لى تعدد الزوجات حرام!!!!!!!!!!!!!!!...حرام مره وحده ..يابنت الحلال تعوذى من الشيطان ولا تفتين على كيفك
طبعا هى كانت مسويتها حركه على عشان تعرف وش فى اعماق تفكيرى...قالت اعترف انك ناوى...وطبعا طالت القصه وطلعت انا الغلطان واعتذرت لها لانى كنت الظهر وناوى انام شوى قبل الصلاه
قصه صديقى...المسكين
زوجته اصرت ان يجيب شغاله لانه ساكن فله جديده وكبيره عليها زى ما تقول مع ان الفله مساحتها 400 متر يعنى بالقوه يمشى الواحد فيها من الباب الى جدار الحوش الخلفى فى 42 ثانيه....المهم المسكين راح لمكتب وقدم على شغاله سيرلنكيه ومراجعات مع المكتب كل يوم وازعجنا بالاتصالات حتى انه اخر شى صار يكلم سيرلنكا من الجوال الى ان وصلت بحفظ الله ورعايته وما مر 45 يوم الا وهو يقول لى زوجتى ما تبى الشغاله .......قلت له ليييييييييييييييش لا يكون طلعت كذا ولا كذا ...قال ابد بس اليوم راح اكلمها واعرف ليش ما يبون بعض
المهم راح البيت ونادى الشغاله وق\سألها ليش بابا ما يبى شغل سوا سوا مدام فيه مشكله ....يعنى مدام يضرب انت او يخانق انت (حلوه يخانق)....اول ما جات الشغاله ترد قامت مرته وصياح عليه تقول للشغاله انى ضاربتها او مخانقتها يعنى منت مصدقنى وتبى تقوى الشغاله على وخناق مع بعض الا ان قالت والله ما اجلس لك فى البيت وصارت قضيه واخر شى رجع الشغاله الى المكتب وهو الان يقدم على وحده ثانيه بس بمواصفات خاصه
واحد من ربع الاستراحه
متزوج وحده تموت فى شى اسمه الدعايات ومسويته فأر تجارب لدرجه مكره جانا وخده محترق ....يقول انه جرب كريم جديد
بصراحه الضعيف رايحه فلوسه على اوانى المطبخ اللى بشركه انتر وود
مره قالى تكفى ابى سلف 4000 ريال قلت له ابشر يله نروح اصرف لك رحنا سوى ولما عطيته الفلوس قال خلنا نروح محل هنا ابيه
رحنا واثارى المحل حق مشتريات لنفس الشركه واشترى جهاز تمارين كبير مره وشلناه بدنه
انا قلت لنفسى معقوله يتسلف عشان يشترى هالجهاز وسالته وقال اش تبينى اسوى المدام شافته واصرت عليه
بعد شهرين تقريبا وفى مستشفى دله كان عندى مراجعه وطلعت من عند الدكتور الا واشوفه فى بهو المستشفى عند المختبر واسلم عليه قال معليش عند المدام موعد وقرب يله مع السلامه واشوفه وهو رايح وزوجته معه تمشى والمستشفى يهز تقول فيه زلزال من وزنها الزائد اللى تقريبا عدا 150كج واقول فى نفسى خساره ال4000
على كل هذا غيض من فيض
الحريم اليوم ضايعين فكريا ومضيعنا معهم وعقولهم ادددد حبه السمسمه
بس خذوو بالكم هذا مو حال الكل ولكل قاعدة شواذ وكلامي مو عن كل النساء بل البعض :D :D
|
 |
رد مع اقتباس
