ياللي خذيت القلب .. قصيده
ياللي خذيت القلب بيديك واقفيت
وحطمت ما تعنيه روح الهداوه
ودي انا أسالك طب ليه صديت
عني وانا اول من عطاك الحلاوه
يا نسخه العشاق روميو وجوليت
وياعيني اللي تعتريها الغشاوه
اتعبتني حتى من الوجد عانيت
وكسرت قلبي بالدلع والشقاوه
ارجوك دامك بصيتك تعليت
الحب من بين الحبيبين ساوه
يا سري بشعري وصدق التناهيت
ويا منبت التوته ورمز الطراوه
يا كسرة العود الأصيل استمريت
وانا احبك في سلوم البداوه
والعرف في سلم البداوه اذا جيت
افرش لك عيوني ورمشي غطاوه
وانا فرشت ضلوعي الهمل الهيت
من تحت رجلينك بسلم العماوه
اسرفت في حبك وانا اقول ضحيت
الا انذبحت ولا اندفع بي فداوه
في المختصر من يوم عانيت ناديت
والليل جاوبني بنفس القساوه
للشاعر / ياسر التويجري
|
 |
المشاركة الأصلية كتبت بواسطة قلب صارخ
مشاركة: ياللي خذيت القلب .. قصيده
