يعطيك العفية أخي المؤشر صدقنس لايشعر بالنارإلاواطيها أحترم وجهة نظرك وأكيد أن المرأة هي الام وهي المعلمة والمربية لكن المرأة عموما لاتعطى سلطة انظر مديرتنا وش عاملة فينا ومديرة الاشراف وش عاملة فينا يعني تخيل فية وحده من المعلمات توفى زوجها بحادث وهى مازالت عروس جديدة شف كيف النفسية راح تكون قدمت نقل للمنطقة اللي اهلها فيه طبعا ظروف خاصة نزل نقلها وش عملت فيها مديرتنا ومديرة الاشرف ما عطنه إخلاء طرف كذا خبث مافية اي مبرر معلمه فيه معلمات يشيلن النصاب عنها والمعلمه لدرجه من اللي عطاها إخلاء طرف مدير تعليم البنات ومديرتنا شغاله تكتبها غياب وهي مباشرة بالمدرسة الجديدة

وأنا صار معي موقف نزل تعييني وجيت ابغئ اباشر من عند التوجية علشان يوجهني للمدرسة يوم جيت انا عارفة مسبقا وين وبأي مدرسة جت رئيسة شؤون المعلمات قلت لها ابغى أباشر قالت خلاص وقعي على ورقة المباشرة قلت لها وجهيني علشان أباشر بالمدرسة قلت لا هذه اللي تعتبر لك مباشرة وهي تعطيني الورقة االي انا وقعت عليه قلت لها متى اروح للمدرسة قالت حنا نتصل فيك شكيت بالموضوع كل صديقاتي باشرن بالمدرسة الا انا بالتوجيه ولارحت اتصل عليها تقول والله ماخلصنا من توزيع المعلمات كيف ماخلصت وانا بس اللي ماداومت والدراسة بدأت أخر شي رحت لها علما ان المدرسة تبعد عن منطقتي 130كيلو وتعتبر مدينة وليست قرية والطريق زين لها المهم يوم حيت قلت يابنت الحلال انت وش فيك كل زميلاتي باشرن الا انا وعطيتيني ورقة مافيها لاتوقيعي ولافيها ختم والمفروض انا الورقة هذه الي اتعبيها المديرة حقت المدرسة مو انتي وقلت لها يابنت الحلال انا عارفة وين انا متعينة بالثانوية الفلانية ساعتها بانت على حقيقتها وقالت لاانت متعينة بالقرية الفلانية والقرية اللي قالتها تبعد 230كيلوا 130طريق معبد100طريق بر قلت لها انا متعينة بالمنطقة الفلانية وسمي نازل فيها قالت حنا عندنا اسمك والمنطقة اللي انت متعينه فيها لكن مو موضح اي مدرسة وتعتبر ذيك المنطقة اللي تبغى تحذفني فيها بكلامها تابعة لن ونحن نوزع المعلمات كيفما نشاء بعدها جن جنوني قلت لها مو على كيفك وهي ترسلني يم رأس الفتنة مديرة التوجيه وقالت نفس كلام الاخت الاولى زوجي جن جنونه كل يوم نجي مسافة 130 كيلو واخر شي هذه النهاية دخل على مدير المندوبية وقال له كل اللي صار بعدها من اللي وجهني المندوب مو هن موبورقة باتصال اتصل على المديره وقال لها تجيك فلانه وكتبي لها مباشرة من أول يوم باشرت فيه بالتوجيه

المديرة رفضت الا أباشر باليوم اللي داومت فيه عندها ساعتها ضاع حقي انا جيت كيف ابغى انقل وانا سويت اللي علي وباشرت بنفس الموعد المحدد المديرة مصرة على رايها المهم راح المندوب الله يوفقه وارسل لي المباشرة بنفس الموعد اللي باشرت فيه بالتوجيه والحقيرات حقت شؤون المعلمات كل العمل اللي سوته بي تبغى تجيب وحده تعاقد تقرب لها من المنطقه البعيده وتحطني بدلها لكن مسكينه ماعرفت تلعبها زين انا رسميه موتعاقد توديني على كيفها
" وبعد هذا الكلام الطويل الا يحق لي ان أشن حملة على النساء لوأني منهم ومحور كلام المرأة لاتعطى سلطة واكرر انا مع العنصر الرجالي وماحب العنصر النسائي لان المرأة كلها غيرة وحقد "
وشكرا وأسفة على اني طولت عليكم لكن من القهر اللي بقلبي أفيه أحس ارتحت بعد ما شكيت اللي بقلبي