لي صديق قديم ..اسمه (منازع) .. وهو بالمناسبة شاعر جميل ،ومشرف على احد المنتديات الادبية التي شرفتني بضمي الى صفوفها..ومن المصادفات انه لم يتصل علي ابدا الا وانا في سفر ..وكان اخر اتصال منه قبل اسبوعين حيث اتصل معاتبا على الانقطاع عن الكتابة معهم ..وكنت مسافرا فعلا ..فارسل لي رسالة مشاكسة وختمها بهذا البيت:
ذلولك يالقصيد تنوّخ وراعي الذلول يسوق=ليا طروا السفر شد الرحال وشال مشعابه

تقفّيت الذلول اللي شعبها للرحيل الشوق=تبي ضلع ٍ زما في الصدر للضيـــــــــقات مرقابه
واخِيْل من الهجوس اللي لها فوق الكنين بروق=مَخَال الشاوي اللي يبْس بين يديه مشرابه
نحرت من القصيد اغلاه واجرّه على الطاروق = اهزبه الخفوق اللي تعنـّا القـــــــاف باسبابه
واسوقه (يامنازع)للوله يوم الشفاه حروق = يشققها ظما ذيك الجراهيد بتقلابه
واشوف الخيمة السودا سما فيها النجوم شقوق = خلقها الله تفاكير وعبر والنفــــس غلابه
ليا حطيت مشعابي على كتفي وسقت النوق = قطعت بها فجوج الفكر من بابه ليــــــــا بابه
اسامرها واشب لها ظلوع الواسع المفهوق = واهيجنها ليا مالت على حرفي ومرتــــــابه
لك الله (يامنازع) ماقنصت الا سواد الموق =ترى ذيب الخلا رزقه على نابه ومخــــــلابه
انطـّحها الهبوب ان ساقت اقدار الولي برفوق =والا حادت نصيت اللي ابد ماخــاب طلابه
============== خــــــــــــــــــــــ بالماجدـــــــــاص====================