مهرة النسيان
أبسرج مهرة النسيان..وابرحل بالحزن في ليل=واداوي جرحي الي حل في صدري من اسبابك
ابطوي صفحة الماضي..وابرحل والرفيق سهيل=عساني في دروب الضيق أقرى صفحة كتابك
وياكيف ابتعد واسلاك وانته كامل التدليل=وانته خافقي يهواك ..وانته اعشق اهدابك
تذكرت الليالي الي سهرنا والقمر والليل=ولاحد قدّر الفرقى...سوى تلميحة عتابك
صحيح انك دوى قلبي فراقك هم ..سهم وويل=واسلي نفسي بذكراك من فرقاك وغيابك
صحيح ان القلم قد ملّ من كثر الكتابة حيل=وطيفك مايفارقني..وكثر الشوق ولا جابك
وصحيح ان الصبر قد ملّ مني يا بعد هالجيل=وحارت دمعتي بعيني عسى الي صابني صابك
وليلي حلّ فيه الهمّ..ودمعي مله المنديل =عسى ترحم دموع العين عسى تتذكر احبابك
عسى تتذكر انك في وسط قلبي بلا تمثيل=وعسى تتذكر الي فات من عمري على بابك
رد مع اقتباس
المشاركة الأصلية كتبت بواسطة محمدالقاضي
