((الزين ماهو من شروط الرجوله))
[IMG][/IMG]
قالت ترى منت بحلو قلت رجـال
والزين ماهو من شروط الرجولة
الزين يلقى عنـد لباسه الشـال
والرجل زين إن كان زانت فعولـه
قالت علامك تلبس شماغ وعقـال
أنت بدوي؟قلت بدوي ومن حمولة
ما ألبس بناطيل لها ألوان وأشكال
وامتر الشـارع بعرضـه وطولـه
قالت اجل راعي معا ميل ودلال
شرب القهاوي تحسبونـه بطولـه
كيفي يابنت الحضر دله وفنجـال
وحليب خلفه بالمـراح معقولة
وحب الكرم والجود وعلوم الأبطال
مغروس فينا من زمـان الطفولة
قالت ترى بنت البدو حظها مـال
قلت احذري حذرا تكوني جهولة
بنت البدو يابنت مضرب للأمثال
فوق الجمال وطاعة الله خجولة
ماحطت أصباغ ولا حطت ظلال
ولا سيرت بالسوق سيـر مهبولـه
هي مهرةٍ تصعب على كل خيـال
وانتي ومثلك عسفهـن بالسهو له
قالت تغزل بي وشف حبة الخـال
ناظر عيوني والرمـوش الكسولة
قلت العفو مايجتمع حب وهبـال
ولكـل ذوق فالمزاييـن جـولـه
قلتي وقلت وكلمة الصدق تنقـال
الزين ماهو من شـروط الرجولة
Of cuores منقول
|
 |
رد مع اقتباس
[/IMG]
[/IMG] 