ترى يا جماعة الخير جد بعض الناس ما يعرفون عن جازان اي
شي ودي اقولكم موقف سار لي في الرياض
مره رحت الرياض في احد الدوائر التعليمية اراجع في معاملة
المهم اول ما دخلت طبعا في سجل توقع علية انك دخلت و تكتب انتا من وين و لمين جاي
طبعا ً انا كتبت جايه من جازان
اول ما الموظفة قرأت انا من وين
جلست تطل فيا و متعجبه و تقول انتي من جازان
و لا بس معينينك هناك
قلتلها لا اب عن جد من جازان قالت : لا ما اتوقع
تعالوا شوفوا و الله العظيم راحت جابت كل زميلاتها و يتفرجوا علي
كني كائن غريب و انا ما قصرت جلست احكيلهم عن المنطقة
و حلاوتها و جمالها و انها شي عادي زي اي مكان
المهم انو حتى المديرة في هذي الدائرة و صلها خبر انو في وحدة (( جيزانية عندهم ))
الا و القهوه و الحلا و العزايم للبيت
و فعلا ً قبلت دعوتها و بشرط اجيب اهلي معي طبعا جبتهم هم من سكان الرياض
و تعالوا و شوفوا كل من جا و ين اهل جازان
و اسئلة انتو ا فعلا من جازان شكلكم مو من جازان
لبسكم كذا غريبة هذا اللبس زينا
تخيلو هم متوقعين انو احنا اشكالنا وحشة و لبسنا وحش
و السبب انوا في بعض اليمنى الي هنا يسألوهم انتو من فين يقولوا جا زان
و ترى لا يهزكم من يتكلم فينا ترى احنا اصل العرب و اشرفهم بإذن الله
تقبلوا مداخلتي و معليش طولت عليكم
|
 |
رد مع اقتباس