السلام عليكم ورحمة الله وبركاته

حبيت أشآركك الرد على هذا الموضوع

أنا برأئيي كلما إرتفعت قيمة المهر يدل ذلك على إستغلال الاهل ببنتهم

وكم من الزيجات التي نرى مهرها غالي أكثرها ما تتم

شهرين ثلآث شهور وإلا الطلآق تم

والملاحظ واللي أشووفه لو كان المهر بحدود المعقول والمفروض راح يستمر الزواج بإذن الله

إذا كان الأب خسران بالاسهم ويبغى يعووض خسارته رفع المهر جزاه الله خير

وش ذنب البنت الضعيفه والشاب اللي توظف وجمع وفوق كذا أخذ قروض وتسلف من فلان وعلان

في ظهره ونيتين تايوتا جي إل أكس يقسط فيها الين ينقصم ظهره نصين

والشيب يطلع برأسه وهو بأول شبابه من هالديون

ما ينلام الواحد يوم طمع بالأسهم ودخله برأس ماله كله في بيشه وإلا المصافي

90 بالمئه من اللي راحو فيها بالأسهم شباب ما قلتو ليش؟؟

من اللي شفووه قبل طفرة الأسهم

من الديون اللي جت عليهم

لو الواحد متزوج ومرتاح ما عنده لا ديون ولا هم يحزنون كان ما بقت بنت عانس

وإلا شاب يتعب ويكافح وفوق كذا يتسلف

وصار بالزمن ذا الواحد يوصل عمره 27 إلى فوق الثلاثين بعد وما تزوج مع إنه مرتبه الشهري ممكن 5 آلآف

صار الخمسة آلآف شهرياً ما تأكل عيش بالوقت ذا

إذا صار بيحسبها بليله واحد فقط وهي ليلة الزواج أقل ما بيدفع لو كان المهر مو مرتفع بعد 100 ألف!!

من وين يجيب المية ألف يزرع بصل؟؟


وآسفين على الإطآله

وآتمنى إني لم أخرج عن إطار الموضوع كثيراً ولكن هذا هو الواقع المرير الذي نعيشه

تحيآتي