ليه رحتي.......... مانتظرتيني بمكاني
ماترفقتي بزماني
ماذكرتي اللي جمعنا
السوالف .. الأماني..والأغاني
وكل غمضة من عيونك وكل كلمة من لساني
وابتسامك مع كلامك
ونظرة توحيلي بغرامك
وانســجــــــــــامك
حتى في ابسط شعورك
حتى في حدة سلامك
بين تطنيش الدقايق واهتمامك بالثواني
ليه رحتى ... مانتظرتيني بمكاني
*****
المدينة هي المدينة ...بالشوارع والمصانع ....حتى بالسجن وسجينه
والمتاجر والمحابر
والمساجد والمنابر
هي هي ....بس مكسورة حزينة
بعد ما كانت مدينة
صارت أشبه بالمقابر
ياللي من ساعة غيابك ........... وكل شي فيها يعاني
ليه رحتي .... مانتظرتيني بمكاني
*****
ضاقت الدنيا علينا..... ومابقى حل بيدينا
لا بكانا ... لا رجانا ... إمتى يالغالي تجينا
حتى هالكون الفسيح ... صار من بعدك شحيح
تاهت أحلامي الكبيرة
والسما صارت صغيرة
ما علاها الا وجوم ... وما اطلعت فيها نجوم
والقمر سافر لديره
معلق بيدك مصيره
والزهر ذبلت غصونه ...والعطر ضاعت فتونه
والحياة دونك ممله
لا شموس ولا أهله
ياللي تعطين الحياه ... طعم غير وشكل ثاني
ليه رحتي .... مانتظرتيني بمكاني
*****
ليه طولتي غيابك .... وتحرميني من سحابك
دنيتي دونك جفاف
تنتظر منك الخفاف
عودتك فيها مزون... تروي وتفجر عيون
تكسي أحلامي خضار ... عودي مليت انتظار
رجعتك تحيي قلوب
تطوي بعيوني الغروب
عودي يا نور الدروب
ما تبي هذي قرار
ياللي حتى هالمدينه
ليلها طالت يدينه
ودها تطوي سنينه
ويشرق بشوفك نهار
عودتك كل الحلول ... ارجعي مو بس عشاني

الشاعر / احمد دراج