كان الجو ممطرا بالخارج ... بصعوبه دخلت المنتدى برفقة احد الاعضاء اللي يقول انه يعرف المنطقه تمام ماودي اقول اسمه ..سييييب طوييييل تقدر تشوف كل اللي برا وانت بالداخل مشينا شوي الا والله واحد لابس نظاره طبيه وغتره بيضاء (العطار) وثوبه منيل وجالس مع فراس كذا على جنب كانهم بإنتظار شئ ما... قال خويي ترى هذا ابو اسماعيل ودك تسلم عليهم؟ قلت والله شرف كبير بس الجماعه شكلهم مشغولين قال اي والله الظاهر منتظرين عضو جديد يرحبون فيه.
المهم مشينا شوي قلت لخويي ما ودك نجلس شوي؟ نشرب قهوه تركي,, انا احب القهوه التركي.جلسنا في بهو المنتدى وانا جالس كنت اشوف قدامي مزوام والصاعق ومحناب و احساس صادق معاهم متكى على جنب مراكي وبلك وحجار وقالبين امها فله مبزق ذهبي قلت لخويي ياخي عندي قصيده,,قال شوف احساس صادق قدامك وعلى طول نقزت واسلم عليهم واحد واحد مزوام عرفته طوالي من شكله ماسلمت في خده لانه دفني ورى شويه الرجال ثقيل.المهم اخذت احساس صادق على جنب قلت فضلا انا عندي قصيده والله الرجال رحب وتمحكك ورفع حوكه لان حوكه مغطي على حزام معاه فيه كل مفاتيح الدنيا.بزق يمنه وبزق يسره وسمعت صوت طربق طربق صوت الطقطق حق حزامه وطلع مفتاح اصفر املس قديييم قلك مفتاح منتدى الشعر الشعبي
وعدت لطاولتي لا شيء معي وجلست مع خويي وشويه الا وذاك الكابرس الصابونه يلبق في المواقف حق المنتدى وتنزل منه وحده بالبالطو الاسود والقفازات وفي مشيتها تحس الرزانه والهيبه قال صاحبي ترى هذي ام احمد..قلت والله والنعم.كان جو المنتدى مفعم بالحيويه دمعتي على خدي تنطنط يمين ويسار ماحد درى وش تبغى؟ القنفذ الناعم مشغول هناك في منتدى التصاميم يسوي تواقيع للاعضاء..محمد القاضي وحسن الصميلي ومحمد الفيفي ونايف ازيبي في منتدى قضيه ورأي ومن نقاشهم تحس ان الدنيا مالها حل.حلم المحيط كان هناك واقفا,, ومن تصرفاته وتحركاته تحس انك فعلا امام محيط يحاول ان يغطى بطيبة اخلاقه كل شيء.
كان فيه واحد كل شويه اشوفه مايجلس مره رايح ومره جاي قال خويي ترى هذا السااااهر.
كانت تلك زياره للمنتدى لم تأخذ من وقتي سوى دقائق كنت اتمنى ان تطول وتطول لالتقي بكل اعضاء المنتدى دون استثناء الذين اكن لهم كل موده وتقدير اتمنى ان يحالفني الحظ بتكرارها.
اخوكم عراف
|
 |
رد مع اقتباس
المشاركة الأصلية كتبت بواسطة عراف
