محمد صباحك وَردٌ ياصديقي
القصيدة مكتوبه
يطيح جفن الليل وأهز كتفه=يفز نجم وباقي الليل مطفي
واحاكي الجدران عن مثل غرفه=ماتشبه الجدران ويطول وصفي
وتملني الجدران واظهر لشرفه=تحت السما واسكر الباب خلفي
ريح تهب وتسكن العظم رجفه=وتموت ريح وتسكن اوراق نزفي
على الروابي تهطل دموع وطفه=وتصب لمع بروقها وسط طرفي
ياطاري الغدران والعمر رشفه=مع قلها ياليتها يوم تصفي
ليت الشوارع تجمع اثنين صدفه=لاصار شباك المواعيد مجفي
الحب واجد مير الاقدار صلفه=والارض واجد لكن العزم منفي
واللي اعرفه راح مانيب اعرفه=ولا ظن يذكرني الا اقبلت مقفي
ماهو حبيبي مورد القلب حتفه=ولاهو حبيبي يفرح بوقت ضعفي
مرٌ ثمر هالليل وأمر قطفه=يالحنضل اللي صرت اذوقه بكفي
هذا و تو الليل ماراح نصفه=ياليل بعض اللي مضى منك يكفي
جفن الليل
بدر بن عبد المحسن
تسلم يا أصيل تسلم
|
 |
