لا صد عنـك مـن تـوده وجافـاك
خله وجازه بالجفا مثـل صـده

خلـه بدربـه لايخيفـك وينـهـاك
وجازه بالافقا لين يعرف مـرده

جازه بمـا مـدت يمينـه ويـدراك
وضده بمن يكره ترى ذاك ضده

لاترتضي بالهون فـي كـل ممشـاك
وحدك وخصمك وقفه عند حـده

خلك عزيز النفـس والعـز مـاواك
وكل عطه تفصيل ثوبـه بقـده

أحرص على حسن العمل في سجاياك
واللي يعمل الخير بالخيـر بـده

واللي يعمل الطيب لو كـان ماجـاك
طيبه لو أنك تقصده جـد جـده

اسمع نـدا مـن للمهمـات ينخـاك
وذا منحتـه لا تبيـح بـسـده

خص الرفيق اللي اذا جيـت حيـاك
وان غبت عنه ياصلك بالمـوده

واللي تربص منك لا يعرف أقصـاك
وباب يحاول منفـذ منـه سـده

واصحا جليس السـوء ويـاه يبـلاك
يرميك في درب الشمت والمضده

ولاتخاطـب جاهـل يكثـر الغـاك
تنساق في جهله وقصدك تـرده


واعرض وخلك صامت واحبس ارياك
ومن لا استشارك لاتقـدم بمـده

وارج الذي بأمره من الكرب نجـاك
اللي على يعقوب رجـع مـوده