الطائر الحُر
الحُر يبقى حُر مو ريش و مظهر=كاسِيه رب الكون حِشْم و وقاره
ما أذكر إنه في زمانه تعثر=أو انه ما جاب الحبارى بـ إشاره
و ان غاب مهما غاب ولا تأخر=يبقى وفيٍ ما يفارق مداره
خلك نبيهٍ صاحبي و احذر احذر=تهديه لاحدٍ مايعرف الصقاره
خَلَه على يمناك ما راح تخسر=يمكن تصفق له فـ يوم بحراره
يوم الخلايق تشاور لـ طايرٍ حُر=و تقول ياحظه وقف بـ الصداره
ما هو بصاحب واو عطفٍ ولا جر=أنشهد إنه يستحق بـ جداره
على هذاك العز يبقى اسمه الحُر=تجري بدمه وفي عروقه حراره
إسم و مسمى ماهُو زِيِن و مَنْظَر=ما يرتضي النكران طبع الحقاره
و ان غاب مهما غاب ولا تأخر=يبقى وفيٍ ما يفارق مداره
محناب
|
 |
