تكة خطاي

[الحالمة]

تحية طيبة00اعزائي 00
بأول مشاركة اصافحكم00اختا جديده00تقبلوني




ألا ياللي على تكة خطاي تصيح وتتوسل
أنا ياللي علي تخطي هروجك ما تجي صوبي
أنا ياللي تعرف اني أنا من دون ما تسأل
أنا يا من خذيت الطيب فيني وصرت عذروبي
أنا اللي ما بخل بالود راعي الود ما يبخل
أنا اللي صرت لك حبر الوفا والصوت مكتوبي
عرفت اسمي وعنواني عرفت التالي والأول
وصرت تعرف فيني صمتي ودمعي واسلوبي
أنا كحل الهدب في العين وبعض الليل لي أقبل
انا العنقود ودهن العود والعنبر من طيوبي
انا اللي ما تحملني مهو مجبور يتحمل
وانا اللي ما تحملته عجز يبعد عن دروبي
أنا اللي ما بغيته "هم" مهما قال وتجمل
هذاك اللي نفضته كالتراب اللي بطرف ثوبي
أنا تاج السمر والبيض أنا الأحلى أنا الأجمل
أنا أشرف من بعض عالم تحاول تخلق عيوبي
أنا وعدي وفيته والوعد في كلمتي يكمل
يجي لي يوم وأجزا به وأكفر به عن ذنوبي
مدام اني عرفت إني أنا معنى الحكي الأجزل
مدام اني أخذت من الزمن شفي ومطلوبي
بيبقى اللي على تكة خطاي يصيح ويتوسل
على حاله ولو يحكي هروجه ما تجي صوبي

[الحلم]

في هذه القصيدة
أنفة وجموح
تحكي فوران أنثى
وغضب قلب

ـــــــــــ

أهلا وسهلا بك بيننا
وأول الغيث قطرة

تحياتي بلا حدود

[إحساس صادق]

بدايه قويه اتمنى استمرارها
اهلا بك ايها الحالمه اتمنىلك كل التوفيق والتقدم