غروودة أرسلت تقول :
مشكلتي ان زوجي جاد وعملي وعصبي وشديد ... يعني اول ماتعرفت عليه وحبني كان مايقولها الا بالشهرين مره ماكان يسال عني الا اذا شافني او انا سالت وحتي لو شافني يعامنلي بجفاء شديد مايقول كلمه حلوه لو يتغزل او حتي يمدحني مره قالي انتي حلوه بس ماكنت ابي اقولك عشان ماتتكبرين علي مع اني انا ابد ماتكبرت عليه لما ازعل مايفكر يراضيني واذا فكر كلمه وحده وخلاص رضيت كان بها مارضيت مايهتم مره وحده لما زعلت وبعدت عنه رجع يارضيني بس قالي انا احس اني ذليت نفسي ومقهور تمر شهور او 4 وماعرف عنه شي وفجاءه يسال عني وبعدها يغيب لما كنت اعاتبه يقولي كيف تبيني اتصرف علميني قوليلي ماعرف ... طلب مني الزواج وترددت كثير هو مميزاته حلوه بس اسلوبه كان امخوفني خفت ماتحمله بس قلت لنفسي هو يتيم عايش طول عمره من غير ام ولا اب وحياته كانت قاسيه ومع ذالك كون نفسه وشغله مره متعب يشتغل 12 ساعه فقلت يمكن نمط حياته اثرت علي اسلوبه وصار قاسي وجاف .. لدرجه لما يشوف مني اشياء مايحبها مايقول لي ماحب كذا وكذا لا يسكت يسوي اشياء مثلها عشان اوقفها او اي طريقه ثانيه افهمها بس مايتكلم لما احاول اتقرب منه اهتم فيه او احن عليه مع اني عارفه انه محتاجها يبين لي انه مو محتاج مع انه بالعكس غير كذا فيه جبروت بشخصيته وانه هو يتحمل كل المتعاب وانه مافي مثله ويعرف كل شي اكثر كلامه انا عندي وانا سويت وماحد يقدر علي لما يتكلم يحسس اللي قدامه انه ملك ولما انا اقول اي شي يبن انه شي تافه ويستهين فيه .. مع ذلك تزوجته لاني مع العظمه اللي يبينها احس انه بداخله انسان ضعيف .... لين الحين معاه 5 سنوات واللي تطور فيه وبشكل بطىء جدا بدل مايقول كلمه حلوه كل شهرين صار كل شهر .. وكل ماطلب منه شي علي طول يقولي لا ولما اصر يعاند ويقول انا ماعندي بنات تمشي رايها علي وكل ماقرب منه اكثر احسه يبعد لما يسافر للشغل واقوله طمني عليك لما توصل ولما تقرر ترجع يقول اوكي بس لاحياة لمن تونادي عذره مشغول ماني عارفه السبب ...
انا تعبت معاه بصراحه ماتحمل الجفاء والقسوه ماني لاقيه اسلوب او طريقه تفهمه انه لما يعاملني بحب وحنيه مو معناته ضعف لشخيته او اني استغل مشاعره عشان استقوي عليه .. ابي اعرف كيف اعلمه يقولي اشتقتلك و احبك من غير حواجز ابي يقولها متي ماحس من غير تردد هو حتي لو يشتاق ويبي اكون معه مايقولها صريحه يلمح بطريقه حتي مو واضحه افهمها اوكي مافهما خلاص لما يزعل مايقولي لما يغار مايقولي.. ابي لما يطلب مني اي شي يصر .. هو لما اقوله لا مزح بس يقول خلاص ولا عاد يبيها من جد مره تعبني وتعبني برووده الشديد معاي
فيه عاده لما اطلب منه شي يقولي اوكي لكن متي يسويه يعد شهر شهرين ويتعمد يسويها واذا اصريت او زعلت يقولي انا ماعندي بنات تمشي رايها علي لو قال اي شي وناقضته يعصب ولازم اللي يقوله هو اللي يصير تعبت من هالاسلوب

ويحاول انه يبعدني عن كل الناس ماشوف الا هو ولا اكلم الا هو حتي اهلي نفسه اني ماروح لهم

انا احترت ماقدر اسوي معاه مشاكل لان شغله يتعبه اصلا يعني ماقدر اتكلم مابي ازيد عليه التعب وماعرف ايش اسوي وكيف اتعامل معاه