أطلب قصيدتك الشعريه ؟!

[محناب]

ولكن بشرط ؟!

أن توفر لمن يسبقك القصيدة التي قام بطلبها
مافي داعي نطول الشرح الفكره واضحه
هذا شرط واحد فقط

وأي ردود خارجه عنه سيكون مصيرها الحذف
فلسنا بحاجة لثناء هنا وتسطير
عبارات الشكر

نريد صفحة تزخر بالقصائد والروائع
أتمنى ان قد وصلت الرسالة للمتلقي

هذه كبدايه

	. قلت ياحظي دخيلك واللي يرحم أم أمك قوم مرة من عرفتك وأنت نايم وش ورى هذي الهزايم ؟ قال حظي والله إني جيتك البارحه بنصرٍ مؤزر مالقيتك ! طلعوا أهلك قالوا : نايم ! شفت ......... من فينا اللي نايم كلمات طلال حمزه.

تنبيه
أتمنى ان تكون جميع القصائد كتابيه
ليست شرطا ولكن يفضل ذلك
ولا بأس أيضا إن تخلل الموضوع بعضٌ من الفصيح
تلبية لمن أراد قصيدة فصيحه

.
.
.

أريد أي قصيدة للشاعر فهد عافت
وفرها وأطلب قصيدتك

خالص التحايا للجميع

[رنين الصمت]

الصـورة
كانت الصوره جميله ... و كان في الصوره طفل
و خلفنا كانت مره تلبس عباه
و اطرف الصوره ولد يضحك صباه
و قربنا حطت حمامه .... قربها حطت حمامه
تذكرين اش كثر كانت ابسط الاشياء تثير الانتباه
و في البعيد احتفظت الصوره بمنظر مهر جامح
و في البعيد فاخر الصوره شخوص بلا ملامح
تذكرين ايش كثر كان
الوقت ... شفاف و ... حنون و ... طيب و ... مبهج و ... دافي متسامح
و كان في الصوره و هذا اجمل اللي كان في الصوره ... طباعك
نظرتك و الشيطنه في داخل عيونك جنونك ... و اندفاعك
بسمتك لما تطوقني ذراعك
اذكر انك قبل ندخل هذي الصوره في لحظه التفتي لي و قلتي قول احبك
قلت اخاف ليا تكلمت احرم اذني من سماعك
كانت الصوره جميله ... كنتي في احلى نفانيفك
كأن الصبح ضيفك
او كأنك من كثر ما كنتي انتي كنتي طيفك
كنتي في اكثر مواعيدك وفا
و كنت انا في ايديني دفا
كانت الصوره جميله ... و كان في الصوره طفل
الشاعر : فهد عافت


أريد أي قصيدة للشاعر ياسر التويجري
وفروها وبسسرعه

[محناب]

أبشر ياعمو رنين إنت اللي فاهم علينا والله
وهذي قصيدة ياسر التويجري

كتابيه / صوتيه

قلت للي صوبتني في سهل رمش الذبول=ماتشوفين الاوآدم ضعف !! يمال العمى !!
ترسلين سهام خدراتك على كل أ مهبول=شي يضرب بالخفوق وشي يضرب بالغمآ ..
قالت الله لا يهينك لا تقول ولا أقول ،،=مارميت اذ رميت لكن الله رمى ،،!!
وألجمتني وازعلتني والبحر عبر الزعول=والبحر يضمي وانا مو ناقصني ضما
كل ما فيها خرافي حيل ..!! ووجان البتول=ألطف من الخوخ وأصفى من وجينات الدمآ
اعتدال فقارها يستر على بعض العقول =وانحناء ردوفها مأثر على المشي انما ..!!
احتمل عن باقي الجسم التدلي والميول=كل ما ميّل عليها وضاق في الخبنة نما ..!
عزتي ..!! للي تعود لا بغى يرقى يطول=غير هالمرة بغى يرقى ولا طال السما ،،

.
.
.
.

طيب انا نفسي في قصيده للشاعر
ناصر الفراعنه

[رنين الصمت]

من عيوني يا سيد محناب ما طلبت شيء
وهذي قصيدة لناصر الفراعنة

لـيـلـةٍ مـا بـيـن مـسـفــر وابـــن عـمــه مـقـيـــم
.......... الـعـرب مــن هـولـهـا صـلّــوا الـمـغـرب عـصَر

يـــا مِـقِـيْــم ابـسـألــك عــــن مُـقـيــمٍ مـسـتـديـم
.......... مــا ذكــر فــي يــوم صـلّـى صـلاتـه مـــا قـصَـر

ووش وزيــرٍ فــاق فـي سلطـتـه سلـطـة زعـيـم؟
.......... وهـــم رعـايــا الـدولــة الـواحــدة فـيـمــا ذُكِــــر

يـــــا مـقــيــم ابـســألــك راحـــــلٍ والا مــقــيــم
.......... قــــال :ألا راحــــلٍ قــلــت: وان قـلـنــا: صــبَـر

قــال: مــا بــاقِ ألا أنــا قلت:وافـهـم يـــا فـهـيـم
.......... قــال: بـإيـدي لا بـيـدْ عـمـرو يــا شـاعـر مُـضَـر

لــي عـــن أهـــل الخـيـزرانـة صـــراطٍ مستـقـيـم
.......... قـلـت:بــرّ وقــــال: ألا بــحــر وامــحــق بــحـــر

غـصــن زيـتــونٍ لـلاطـيـار مـــن فـوقــه رنــيــم
.......... بـاتــرك الـورقــا تـغـنّـي عـلـيـه :اسـمــر عــبــر

ولا تـعـيـش الـرمّــة الا عـلــى الـشــيّ الـرمـيــم
.......... كالطـيـور الـلـي عـلــى اشكـالـهـا تـوقّــع حـــدر

الـنـوَر تشـبـه بـعَـض والطبـايـع (سـيــم سـيــم)
.......... ولـــو تـغـيّـر اسـمـهـم .. الـنــوَر تـبـقــى نــــوَر

ولــو بـهـم واحــد فـقـط مـــن طبايـعـهـم سـلـيـم
.......... كان مـا صار اسمهـم _عنـدأهـل مصـرٍ_غجـر

احـمـد الله ضربـتـي مــا تـجـي الا فــي الصمـيـم
.......... وكـلـمـتـي وحــــده ولـكـنّـهـا تــســوى عــشـــر

قـلـت:وسّـع خــاطــرك خــابــرك دايــــم حـلـيــم
.......... مـــــا تــهـــزّك كـلــمــةٍ جــابــهــا وجــــــهٍ ودر

الحلـيـم الـيـا سـمــع هـرجــةٍ جـــت مـــن لـئـيـم
.......... ابتسـم .. وشلـون أجـل لا سمعـهـا مــن بــزر!!

انتـبـه تـزعــل . تـــرى أسـعــد أيـــام الخـصـيـم
.......... يــوم يلـقـى للـزعـل فـــي وجِـــهْ خـصـمـه أثَـــر

بـ(جــاه ربــي) باطلـبـك ثــمْ بـجـاه بــن اليـتـيـم
.......... قــــال كــــلا ألــــف فــــي ألـــــف كـــــلا لا وزر

يـــا مـقـيـم أرجـــوزة الـبـغـي مرتـعـهـا وخــيــم
.......... وقـبّــة الطـغـيـان مـهـمـا عـلَــت تــرجــع قــبــر

قال:سين (انت ابن من في الرجال) وقلـت :جيـم
.......... ( ابـــن مـــن لا أنـجـبـت حُــــرّةٍ مـثـلــه ذَكَــــر)

لــي مـــن الأمـجــاد مـــا فـــاق آفـــاق الـسـديـم
.......... ولـــي مـــن الـطــولات مـــا لا تطـاولـهـا بـشــر

قال:طيّـب .وش تبـي فــي شــرابٍ مــن حمـيـم؟
.......... وكـــلّ قـــدٍّ مـــن قـبُــل صـــار قـــدٍّ مـــن دبُــــر

وش تبـي فــي خـمّـةٍ سـمّـت البـاشـق .. عـديـم
.......... لا نـخـوا سلتـوحـهـم جـــاك مـــا صـــدّق خـبــر

يــا مقـيـم أدري بـكـلْ شــيّ انــا مـانــي غـشـيـم
.......... وادري ان اسـمــي لـهــم صـايــرٍ عــلّــة نــحــر

وادري اهــل الكـهـف هــم نفسـهـم أهــل الرقـيـم
.......... بــسّ مـالـي مـــن ورا كـشــف عـورتـهـم أجـــر

عـــورةٍ لـــو خـيّـطـوا فـوقـهــا ســلــك الـبـريــم
.......... بـيّـنـت كالـشـمـس والـسـاعـة الــوحــدة ظــهــر

مــن دعــى لــه والــده بـيــن زمـــزم والحـطـيـم
.......... مــا يـهـمّـه سـيــل أهـــل الـحـسَـد مـهـمـا كـبــر

ما انقطع لـي فـي (هـوازن) وصَلتـه فـي (تميـم)
.......... ولا يـمــوت احـــدٍ ولـــه كــاتــبٍ ربــــي عــمــر

القـهـر مــا هـــوب هـــذا .. ابـــك والله العـظـيـم
.......... مــا مـثـل قـهـر الـرجُـل مــن بـنـي عـمــه قـهــر

كـــم ولـــدٍ عـــمٍّ لـــو آجــيــه ظـمـيــانٍ سـقـيــم
.......... مـــا سـقـانـي شَـرْبَــه ولــــو تـرجّـيـتـه شــهــر

احـمــد الـلــي عـزّنــي مـــن وانـــا ورعٍ فـطـيـم
.......... عـــن مـثــل هـــذا وعـــن كـــلّ مــبــدولٍ غــبــر

اقـطــع الـفـرجـة لـحـالـي مـــع الـلـيــل الـبـهـيـم
.......... يـوم ولـد الـلاش مــا فـاخـت أمّــه لــو .. شـبـر

للهمــم ربـــي خـلَــق _يـــوم يخلـقـهـا_ هـمـيـم
.......... وللقـمـم يصـعـد مــن الـقـوم كــلْ صـاعـد نـظــر

بـالألـف والـــلام والـمـيـم لـــي صـــوتٍ رخـيــم
.......... يــوقــظ الـنـايــم قــبــل يــــذّن الــمـــذّن فــجـــر

شرهة (الروح بن مريـم) علـى (موسـى الكليـم)
.......... والــردى فــي أهــل الــردى لا تــدوّر لــه عـــذر

حسـبـي الله فـــي رجـــالٍ مـــن الـداخــل حـريــم
.......... وضـعـهــا دايــــم خـطـيــرٍ ولا مـنــهــا خــطَـــر

مثـل ابـو وجهيـن مـا شـفـت فــي العـالـم عقـيـم
.......... لا انكـشـف أفـلـس مــن اثنينـهـا بـطــن وظـهــر

يــا كـثـر مــا جـنّـةٍ فــي الأصــل كـانـت جـحـيـم
.......... وكــم كـسـر ســاقٍ إلــى زاد عـــن حـــدّه جـبــر

مـــا لـنــا ألا الـظـاهـر .. وبالخـفـايـا الله عـلـيـم
.......... ســنّــة الله لــيــن يــــذن حـمـارٍ فـــي هــجـــر(1)

ويـــش تـرجــي مـــن عـتــلٍّ بـعَــد ذلـــكْ زنـيــم
.......... مــا يطـيـب ولـــو تشـيـلـه عـلــى مـتـنـك دهـــر

ووش لـــي بـهــمــاز لــمّــاز مــــاشٍ بالـنـمـيـم
.......... مـع كثـر مــا يـسـرح الصـبـح مــا ضــوّى بـعَـر

حــالــفٍ مــــا دام لــــي راسٍ يــشــمّ الـنـسـيــم
.......... مـــا اتـلـحّـق مـقـفـيٍ لا بِـ(خـيــر) ولا بِـ(شـــر)

جاهلٍ من يحسب (القدس) هي نفس (أورشليـم)
.......... كـالسهــل عكس الصعوبـة وهـو عكـس الوعَـر

هيه لو صيد (البواشـق) مثـل صيـد (الظلـيـم)(2)
.......... شفت في (البومـة) عـوَض واحـدٍ ضيّـعْ (صقـر)

لا وســيــم ألا وســيــم الـسـجـايـا يــــا وســيــم
.......... والـفـقـر فــقــر الـمـراجــل إلــــى قــالــوا فــقــر

والـدمـيـم الـصــدق يـالـلــي تـقـولــون الـدمـيــم
.......... واحـــدٍ يـفـخـر بمـاضـيـه والـحـاضـر (صــفِــر)

مَـن يزاعـل صاحبـه لجْـل يِـرْضـي خـشـف ريــم
.......... لا تثـق بـه لــو فــرَش لــك عـلـى السـكّـة زهــر

مـا انقطـع رزقــي ولــي فــي السـمـا ربٍّ كـريـم
.......... ولا يضيـق بـي الفضـا ولـي عيـون ولـي بـصـر

مــن أقــام الـنـار فــي يـابـس العـشـب الهـشـيـم
.......... قـــادرٍ أن يـخــرج الـمــاء مـــن حـصـبــا قــفــر

كـيـف نشـحـذ والسـمـا غيمـهـا مــن فــوق دِيــم
.......... عـيـب والله عـيـب والشـمـس مــا مـعـهـا قـمــر

مــا يضـيـم بــن آدمٍ مـثـل ضـيـم الـحــظّ ضـيــم
.......... مــن ردى حـظـه وهــو مـــا بـعــد ســـار يْعَثُـر

عـزّتــي لـلــي سـواتــي عـلــى وجــهــه يـهـيــم
.......... لا مــعـــه حـــــظٍ يـعـيـنــه ولا عــنـــده ظــهَـــر

قـلــت مـــا لا قـالــه الـعــود (لـقـمـان الحـكـيـم)
.......... بالشعـر .. بـسّ أنّ حظـي صفـق بـي فـي حجَـر

وغيـري الـيـا قــال كلـمـة ولــو هــي حـلـم نـيـم
.......... اكتـبـوا لــه مــن عظـيـم الـثـنــاء مْـيَــةْ سـطــر

ورغــم هــذا مـــا تشـائـمـت والـحــادث جـسـيـم
.......... فـــي رجـــا نـصــرٍ مـــن الله ولا غـيـــره نـصــر

من (خميس مشيط) ثمْ من (تبوكٍ) في (القصيم)
.......... يـــا كـثــر مـــا طـــال لـيـلـي عـلـيّـه يـــا كــثــر

غـربـةٍ تـحـت السـمـا .. غـربــةٍ تـحــت الأديـــم
.......... غـربـتـيــن مـــــا لابــــــن آدمٍ مــنــهــا مـــفـــر

مــا نـوفّـي ربــع مـعــروف عـــارف يـــا مـقـيـم
.......... خـلّ عـاد إنـي اجحـده !! والـوفـا عــوده خـضـر

قــد حفظـنـا حــقّ جـربـوع فــي العـصـر القـديـم
.......... فكيـف مـا نحفـظ لــذي الـحـقّ حـقّـه يــا بـشـر

ديـنـنـا فـــي صْحِيـبـنـا ذلــــك الــديــن الـقـويــم
.......... مــا نـجـي مــع غِـرّتـه يــوم ولــد الــلاش غِـــر

ربّــنــا لأهــــل الــوفــا حـطّـنــا جــنّـــة نـعــيــم
.......... ولـلـردى واهـــل الـــردى حـطّـنـا مـــوتٍ حـمــر

بـسـمــك اللهم ذي الــطَـــوْل رحــمـــنٍ رحــيـــم
.......... لا تـخـيـب واحــــدٍ طــــقّ لــــك بــإيــده صــــدر

طـالــبــك يالله فـــــي كـــــلّ شـيــطــانٍ رجــيـــم
.......... مـنــه لا تـبــقــي عـلـيـهــا جــنـــود ولا تَـــــذَر

يالله انــــك لا تـخـلّــي عــلـــى الـدنــيــا ذمــيـــم
.......... ويالله أنـــك تـلـعـن الــلــي إلــــى قــفّــى غــــدر

يـــا مـقـيـم الـيــا اجتمـعـنـا نـديــمٍ مــــع نــديــم
.......... مَــن بظـنـك يـربــح .. ومَـــن بـظـنـك بِـيْـخَـسَـر

وجـاه مـن أحيـى بِـ(غَيْـمٍ) ومـن أهـلـك بِـ(غـيـم)
.......... غـيــر ركـعــة تـالــي الـلـيـل مـــا شـــيٍّ يــسُــرّ

فــــي نــهــارٍ سـاعـتــه مـالـهــا حــــدٍّ و قــيْـــم
.......... لا انتـصـب منـهـا صــراطٍ عـلــى حـفــرة سـقَــر

لا نـجـى ســـاق السلـيـم وزلَــق ســـاق الأثـيــم
.......... يـــا جـنــانٍ خـضــر يــــا ذات ألــــواح ودُسُــــر

المفردات :

(1)هجر إسم منطقة قرب مدينة الأحساء يضربون بها المثل على البعد قديماً
(2) البواشق : من أحقر الطيور وأقلها قيمة . والظليم : هو النعام

ياخي نفسي في قصيدة لطلال الرشيد " رحمه الله "

[محناب]

ياه يارنين
قسما أنك متذوق رائع

الشاعر الراحل
أبو نواف طلال الرشيد

هذه صورة له قبل مقتله بعشرين دقيقه
رحمه الله رحمة وآسعه



نبذة مختصر للتعريف
بهذا الشاعر حتى نثري الموضوع

اسمه الكامل
طلال بن عبد العزيز السعود العبد العزيز المتعب الرشيد
جدته هي فهدة بنت عاصي الشريم والدة الملك
عبدالله بن عبدالعزيز
حفظه الله
مما جعل طلال في الصف الأول من عراقة النسب
توفي بالجزائر
متأثراً بجراحه بعد إصابته بطلق ناري مجهول المصدر
وتميز طلال بقصائده الغزلية والوطنية
حظي بشعبية فريدة وكبيره بين جمهور ومحبيه

"الملتاع"

إحدى قصائد الراحل

	كـلـّمـنـي عـنّـك أبعرف كل شيٍ عنّك منّك قلـّي وش أول جروحك قلـّي وش آخر أمل ترجيه روحك إحكي عن طبعك وعن ربعك عن اللي يهـزّ دمعك قلـّي وش معنى الحياة قلـّي بأنفاسك متى قد قلت آه إحكّ لي عن الحب إحكّ لي .. إحكّ لي إحكّ لي عن الشوق طـر بـي فوق .. فوق خـذنـي منّك وإحكّ لي .. عنّك الـصـدق إن الأمل من قبل أعرفك .. كذب والتضحيه أوهـام وإني أنا من قبل أعرفك كنت أعرف أنـام كان السهـر مـو هـالسهـر لعب وأغانـي .. وإخـتصار صار السهـر تفكير صار إنتظـار صار إحتظـار صار السهـر .. تنهيـدتيـن ونـار يا منتهـى أمـري بالهمس قلـّي مرّه يا عمـري وطـر بـي فوق .. فوق خـذنـي منّك وإحـكّ لـي .. عـنّـك

وهذه مرثية كُتبت فيه
أحببت أن انقلها لكم لإعجابي الشديد بها

يالله ياللي كلنا لك مصلين=نطلب رضاك وعفوك اللي تجله
تجبر مصيبتنا على فقد غالين=وترحم أبو نواف وأنك تحله
طلال موتك حط بالقلب جرحين=لاطاب جرح ٍ حل جــرح ٍ محله
تبكيك رمل ٍ مع يتامى مـساكين=ويبكيك مسجون ٍ فقد شوف خله
وتبكيك شمر مع جموع الملايين=وببكيك ثم ابـــكيك أنا العـمر كله
ليت الرصاصة عدلت عنه مترين=وأنا البديل وكل ما أمــلك فدا ً له
لكن هذي حكمة الرب راضين=بلي كتب واللي جرى مؤمن ٍ له
مما بقلبي قلت آنا سيدي وين=يوم التفت وشفت ماهو محله

كلمات ظافر العجمي

.
.
.


رنينوه لعيناك يالغالي الله لا يحرمنا
هذي الطله أهااااا كدت أنسى

[BLINK]ياللي بعدي[/BLINK]

بودي لو تجيب لي قصيدة جيتك
للشاعر فهد السكران

[محناب]

وينك يارنين والله لك وحشه


جيتك قصيده مؤثره جدا
فهد السكران

جيتك على درب المشاريه واللوم=اطوي مسافات الوله يوم بعتي
في عيني هموم وفي قلبي هموم=ومدري على الله بينهن وين ضعتي
ياللي غديتي للضما بالي هدوم=وياللي مشيتي للفراق وجزعتي
كنتي بكوم وباقي الخلق في كوم=يلعن ابو دارك علامك قطعتي
كان الزمن يابنت حقق لك حلوم=انا الزمان وحلمك اللي بدعتي
وكان الاماني سخر الله لها قوم=عديلي مية شخص دامك جمعتي
وكان ارتفعتي للسحايب والغيوم=لولاي عمرك لسماء ما ارتفعتي
ويكفي انك لو كبرتي علي يوم=ومن تحت ايديني كبيره طلعتي
وماني عقب قطع الرجا فيك ملزوم=المغني الله زين يوم انقلعتي
رجال انا تحكمني اطباع واسلوم=من لابة يابنت عنها سمعتي
رجال من ناس كريمين وقروم=كان بغرورك يالغشيمة طمعتي
اموت احسن لي ولا اعيش محروم=مهما على ذيك الحنايا سطعتي
وان جت في بالي وحطيت لك زوم=لاخضعك لو يوم ماقد خضعتي
ودامك حلفتي ماتردين في يوم=حلفت انا ما اكلمك لو رجعتي
ودامك حلفتي تخذيني من النجوم=حلفت انا لاطفيك مهما لمعتي
ودامك حلفت تحرميني من النوم=حلفت لو انك دقيقة هجعتي
لاعمي عيوني بالسهر واندفن دوم=واغتال قلب في عذابه برعتي
وأن ما كفاك اللي اخذتيه لليوم=او ما اعجبك البارحة ماسمعتي
بعطيك راي وكلمتي مابها سوم=وانتي على كيفك اذا ما اقتنعتي
صومي ثلاث ايام عني وانا اصوم=كل الدهر عن حبك اللي قطعتي

http://www.movn.net/Fahad_AL_SakraaN...L_MshareeH.ram

][ للرفع ][



أبي قصيدة للشاعر محمد بو رحيمه
يقول فيها

كنت أحسبك
للعهد والحب توفين
قلتي الغدر بالحب ماهي بسواتي
وحلفتي يمين الله
ما منك اثنتين
وانك ملاك دون كل البناتي
وانك على عهد المودة
تسيرين
ولا تسمعين أهل الحسد والوشاتي
وصار اليمين ستار
خلفه توارين
ورماح غدرك بالخفا مشرعاتي


أريد القصيدة كامله

؟!

[نيسَانْ ,!]

:

لاردك الله لا ولا اطلب تردين=
ادعي عليك بعثرة في صلاتي
عثره تشلك ما بعدها تقومين=
يالي نقضتي عهودنا الماضياتي
خدان لك بالقلب كانت بساتين=
وريضان وغصون بها يانعاتي
كانت تروح الروح ساعة تروحين=
وتعاف نفسي شربها والمقاتي
وكنتي مناة القلب والروح والعين=
واليوم عينك يعلها ما تباتي
كنت أحسبك للعهد والحب توفين=
قلتي الغدر بالحب ماهو سواتي
وبان الغدر سم جرى بالشرايين=
الله عسى يسجيك سم الفعاتي
كلي سقيتك حب واليوم تنسين=
تقولين حلم ايام واليوم فاتي
وخذتي الهوى لعبه على ما تحبين=
لين عصفت بالهوى عاصفاتي
وصرتي بشعري في العذاري تباهين=
تقولين أنا شمس العصر في حلاتي
وبالشعر صورتك خزام ورياحيين=
وأثرك هضاب وشوك ما به هداتي
بالشعر غليتك على كل غاليين=
واثرك دنيه تتبعين الدناتي
رسمتك سحابه خير قطر تنفين=
فزت لك الصحراء زهور ونباتي
رسمتك مهاة للجميله تقودين=
واثرك خروف مضيعتها الرعاتي
توسلت لك على حب عامين=
عامين لكن في حسابي مئاتي
ناديت لكن لي ابد ما تسمعين=
عمري وروحي والفكر في شتاتي
خنتي وبعتي كل عهد وايامين=
ما عاد يفرق بين ماضي واتي
وصرتي مثل غيرك برخص تبيعين=
يا مرخصتني ما بقى لك غلاتي
تحسبين انك بالمهافات ترقين=
كيف الصعود يكون للهاوياتي
والنوق من تخرص فلا يفيد تمرين=
ما يفيدها قرص وضرب العصاتي
ويا ناقة خرصا تكلفة سنتين=
فلا لانت بشده ولا بالهداتي
اسبوع في دوامي ولا أي غير يومين=
ويوم اوصل الدار اتصل واحاتي
صبري نفذ واليوم ثارت براكين=
مظلوم أنا وباكر تحل ادعواتي
سمعي عسى من بعدها ما تسمعين=
سمعي دعاء من صار قلبه حصاتي
عساك عوق منه ما عاد تبرين=
عوق تشافق له قلوب العداتي
ادعي عسى من ناضرك ما تشوفين=
وتطحن بك الايام طحن الرحاتي
ويالله عسى يحتار فيك المداوين=
تبين الممات ولا يجيك المماتي
ويالله عسى كف الندامه تعضين=
تندمين يوم انه يفوت الفواتي
وتبكين دم يسيل من مقلة العين=
ويحتار قلبك من عناك وتعاتي
وعساك ما تلاقين منه القلب تهدين=
وان هوحصل ادعي عساك الشتاتي
يا بلوة اللي وسط بيته تعيشين=
غافي وحوله شب جمر الغضاتي
عسى بعمرك ساعة ما تهنين=
وتمضي حياتك بين هم وشقاتي
يا بنت قلبي وين مثله تلاقين=
قلبا عطاك الحب ما قال هاتي
جيتك وروحي شلتها لك بكفين=
وفي التاليه رمح الخيانه جزاتي
يالله عساك النار يا أم وجهين=
كله انكشف لا ما تفيد العباتي
ويالله عسى تلبسك جن وشياطين=
وتكونين مدعاة الحكي و الشماتي
والله ماني منتظر قلبك يلين=
والمقبلات اكثر من الفالتاتي
وما عادتي اتبع ضعون المقفين=
ريحا تشل ضعونج المقفيلتي
يا ليله ظلما على الله تزولين=
وتاتي ليالي سعدنا مشرقاتي
يا حية رقطا تقود الثعابين=
باكر تحن ايامك المعتماتي
يا ظالمه نفسك ترى الدهر يومين=
يوما النجاة ويوم مابه نجاتي
بيني وبينك تحكم ايام وسنين=
وانا شاهدي قلبا من الغدر ماتي
لو كان عذرك في كفوف الموازين=
لاكان ربح كل غدر البناتي
ويا دمعة التمساح لالا تذرفين=
العيون رغم ادموعها كاذباتي
لا ما عرفتي الحب لا ما تحسين=
وغدرك تعدى غدر ذيب الفلاتي
الذيب يعوي قبل يغدر بمسكين=
وانتي غدرتي خافقي في سباتي
انتي السبب سقتي على القلب جرحين=
غدر الغرام وموجع الذكرياتي
وانتي السبب واليوم لا تلومين=
وان ياك باكر شوفي شلون ياتي
والله لاكتب وافضحك في دواوين=
وارزف واغني يوم خبر الوفاتي
وارسم لاهل العشق قلبا وسهمين=
وقصة خيانة ما روتها الرواتي
ويمين لانشر فوق اسمك عناوين=
واشهرك من قاصي اليمن للفراتي
ومن غرب هالدنيا الى قاصي الصين=
ديوان غدر فيه كل اللغاتي
والبادي اظلم سنة العين بالعين=
والا فهاذي لا عادتي ولا صفاتي
ويا شبه انسانه برأس ورجلين=
اعوذ بالرحمن منك بصلاتي

:


أبغى قصيدة لـ بن ذويبان يقول فيها

ياخي مصيبة إذا بالحال ما تدري
ورسالة الشوق تو إرسالها جاري !


: )

.

[محناب]

وهذا طلبك جاك

ياخي مصيبـه اذا بالحـال مـا تـدري!!=و رسالة الشوق .. توٌ ارسالهـا جـاري
عوّدت عينـي معاشـر جفنـك الخـدري=و أقفيت كنٌك تصـب الحـزن بأغـواري
كم شفت صورة ملامح وجهـك البـدري؟=و كم مر صوتك على قلبي و هو ساري؟
أموت و احيا و لا لي ثار .. ( من يدري ؟)=يمكن يجي يوم و أحيـا و أخـذ بثـاري
يا نجم ياللي تقـول النـاس مـن حـدري=يا صفقة الطيب .. عند البايـع الشـاري
يا مبدع بطعنتي .. يـا ذوق فـي غـدري=لله درّي .. و درّ الـصـدق بأشـعـاري
عرفت قدرك .. و لانـي جاهـل بقـدري=مشكور جداً .. على تقصيـر مشـواري
جرحت قلبي .. على فرقـاك مـن بـدري=لا عاد تنشد و لا تسـأل عـن أخبـاري
بالأمس .. سولفت عن حبك و انا مـدري=و اليوم .. سولفت عن جرحك و انا داري
مغير أهذري .. و افضفض شي في صدري=و أطفي النور .. في قلبي و فـي داري
بيديك جمعي .. و بيديـن العـرب هـدري=و القلب بيتي .. و ضلعك صاير اجداري
وانـا و قلبـي اذا مريـت .. مـا نـدري=و ان جابك الليل قلنا له : وش الطاري ؟

للشاعر:عبدالله ذويبان


.
.
.

.
.

اللي بعدي
هات لي أي قصيده للشاعر الامير

بدر بن عبد المحسن