الشايـب السكـران وسـط المنامـه

هذا واحد من الشباب ..
شاف رجل كبير بالسن سكران في المنامة .. طربان ويتغزل بالنساء..
فكتب فيه هالقصيدة ..أشوا لسه الدنيا بخير
بس صدق يالله لا تبلانا ..شايب وعايب



تدري وش أكثر شي هز البدن هـزّ
شوفة كبـار السـن وسـط المنامـة

تشوف لك رجال هيبـه ولـد عـزّ
وليا هرج يـا شيـن حتـى كلامـه

هرجه ما بين أموت وأهتـز يـا وزّ
ويدبك على نغمات راغـب علامـه

وليا لمـح تغريـد والصـدر مرتـزّ
لـوّح لهـا حتـى بذيـك العمامـه

عمامـة التقديـر والطيـب والعـزّ
وعمامـة الهيبـه وكـل الكـرامـه

صارت على تغريد حزام ٍ على الجنزّ
وصوّت لها يا هـوه كافـي ملامـه

وشدت بها الأرداف والبغل مـا فـزّ
وهـزت علـى صيحـات ياللندامـه

بغـل ٍ مـن الكيسـان مديلهـا مـزّ
ومن غرشة الشيفاز حطّـم عظامـه

ماني على ما شفت شامـت ومرتـزّ
بس أطلب الرحمن ثـوب السلامـه

لكننـي شفتـه وهـز البـدن هــزّ
الشايـب السكـران وسـط المنامـه



من البريد

[ديوانك وطني]

تخيلت الشايب وهو سكران يدبك على أغاني راغب علامة

وغترته صارت حزام رقص

قصيدة واقعية تصور حالة بعض الخليجيين في المراقص .. حتى أؤلئك الذين بلغوا من العمر عتيّا ..

يسلمووووو أخي ( أبو اسماعيل ) ..

يعطيك العافية ويسلم بريدك

[أبو زهير]

ياحسن الخاتمة شايب وسكران

أبو إسماعيل

ماالمقصود بالمنامة

هل عاصمة البحرين أم منامة مدجاج ؟

[أبو نوف]

بغـل ٍ مـن الكيسـان مديلهـا مـزّ
ومن غرشة الشيفاز حطّـم عظامـه

واسفاه

ابو اسماعيل بريدك وش وداه البحرين

مرحبا بكم

والله سمعنا عن مثل هذا الشايب العجب العجاب

كم من مصائب يفعلونها خارج الوطن

ولا يستحون من سنهم ولا من أعمارهم ولا من الله أولا وآخر .

ولا حول ولا قوة إلا بالله

شكرا للجميع

[الأسامــة]

السلام عليكم ورحمة الله وبركاته
مشرفنا الغالي ابو اسماعيل
جزاك الله خير على القصيده
وحقيقه تصف حال كثير من الشياب
أسأل الله بمنه وكرمه ان يريهم الحق حقا ويرزقهم اتباعه
وان يريهم الباطل باطلا ويرزقهم اجتنابه
وفي مثل هذه الحال الدعاء لهم اولى,
كل الشكر

أبو إسماعيل

ماالمقصود بالمنامة

هل عاصمة البحرين أم منامة مدجاج ؟