حصل لي موقف في سوق العزيزية مول شمال العليا
الخميس تاريخ 4 / 8 / 1428 هـ
مسوين سحب على فيلا ( بيت العمر ) وتحمست بعد ما اشتريت من هايبر بنده
قلت خلني أشارك
وفعلا شاركت بأسماء العائلة كلهم
وكوني خارج الرياض أجلت بعض المشتريات
إلى يوم السحب منها يسير مشوار واحد حج وحاجة
واخلي الحرمة تجيب كرت العائلة احتياط
واحد ضامن الفوز
والمهم أننا طلعنا فوق والناس متجمهرين
ومشغلين أناشيد أسلامية وانبسطنا
واتت اللجنة ومندوب من الغرفة التجارية ورازين محد قدهم
وأعلنوا انتهاء وضع الكوبونات وسيتم السحب
والناس متحمسة وطلعوا بنت صغيرة حلوة كلها براءة
ماتدري وش اللي صاير من حولها من أمور تدور من تحت الكواليس
وتم الإعلان
من قبل مندوبهم على مايك قناة LBC الحياة
وبوجود مندوبين من جرائد بس مدري من اي وحدة
المهم تم السحب وقاعد المهرج حقهم يستهبل بأعصاب الجمهور ويقول
يبداء اسمه بحرف الألف ثم يقول
جوالة نهايته صفر ثم أبوة أسمة محمد المهم وشرف في النهاية ذكر اسم الفائز وهو ابراهيم
والعالم كل نظرتها على الجمهور وين اللي بيطلع
وأخيراً طلع ماشاء الله عليه ماتعبوه من ورى المذيع
الله لايضره جاهز .. من ربعهم اللي جو سوا
والمشكلة ان البطاقة باز فيها معلقها على جيبه
واللي عارفينه ان الموظفين في نفس السوق والشركة لايحق لهم الاشتراك
حتى أقاربهم وقامت الدنيا ولا قعدت قاموا الجمهور بالاحتجاج وتكلموا عليهم
الناس وقالوا لهم انتم سرقان وكذابين وطلعوا الشيبان يحتجون والشباب وانا أولهم
عشان نطلع شوي من قهرنا وفي هذي الإثناء تدخلت القوات الخاصة
اللي هم امن السوق وقاموا بواجبهم بتطويق الحرميه حتى لايتطور الأمر اى شئ ثاني
لكن شركة كبيرة بسمعتها هذي كان خلوا الفائز بدون شماغ ويكون بين الجمهور
وإذا طلع يبتسم على الأقل وينطط
لكن ما أقول إلا حسبي الله ونعم الوكيل عليهم اللي خلوني اسحب على زواج جارنا وأجي للمسخرة
وطبعا الشباب صورو الموقف على الموبايلات
وراح تشوفونه إذا انتشر ان شاء الله
وصلني عبر الايميل
|
 |
رد مع اقتباس
