اما لطمنا العيل والا ألطم العيـل=مادام شب النار منـدوب الاطفـا
من ذاق حر القايله يعشـق الليـل=ومن شب ضوه ليلة البـرد يدفـا
امسيت في جيلٍ ولاهوب ذا الجيل=واصبحت والا ديرتي شبه منفـا
واللي حما بيتـه بطيـرن ابابيـل=ماجيت ادور كل من صد واقفـا
ولاجيت ابشحذ يانما دلّـه وهيـل =جيتك وجرح الظلم غاديـه يشفـا
جيتك بكلمه كنها صعقـة الويـل=ان قلـت تكفـا لاتهـاون بتكفـا
تكفا تراها كلمـةٍ تقطـم الحيـل=لابالله الا تنسـف الحيـل نسفـا
تكفا ترا تكفا لهـا هـدرة السيـل=في صدر حرٍ ينتف الطيـب نتفـا
تكفا ترى تكفا لها تسّـرج الخيـل=ان كان لك في مجمع الخيل عسفا
تكفا تراني مـن قـرومٍ مشاكيـل=حمايـة الساقـه بسيـفٍ وشلفـا
تكفـا وتكفـا ماتسـاق لمهابيـل =تكفا تخلّـي القـرم لاشٍ وهطفـا
تكفا ترى تكفـا تهـزّ الرجاجيـل=لولا صروف الوقت ماقلت تكفـا
محمد الدحيمي الشهري المعروف بــ ( أخو تكفى )
|
 |
رد مع اقتباس
المشاركة الأصلية كتبت بواسطة البلبل الذهبي
