بالنسبه لي انا
نصحت نفسي بنفسي
واتمنى تحوز على رضاكم
نصحت نفسي بنفسي..
اثرك ياروح عشقت
تـوكم للحـب ذقـت
ليتك لنفسـك رفقت
................ودنا لو تستريح
إسمع إسمع ناصحينك
الجماعه فاهـمينك
بنصـحك والله يعـينك
............... سـدكم لازم يبيح
لابغيت البنت قـنن
دور للى ما (يضـنن)
بالعطاء ماهٍ يمنن
.............. مايبن كثر المديح
دور السمرا الجميله
طولها بطولك عـديله
رمشها سيوف ٍ سليله
.............. لعينها تصبح طريح
خشمها توته صغيـره
وخدها ديره منيـره
بفمها ضحكه اسيـره
............. وريحها مسك ٍ يفيح
عنقها عنق الغـزال
وعينها سود الليال
والستر صـاير ظـلال
............. بمشيها يمكن تطـيح
لاحـكت كلـن سـمع
سـنها لآح ولـمـع
قولها فيه إجـتمع .. ؟
............ ( ما يصـح إلا الصحيح )
قولها فيه الـِحكم
والبشر حوله بكم
سعرها ماهـو بكم
............ مايجي بقسط المريح
لو تشوفون الخدود
بخدها نابت ورود
الزهـر يانع بعود
............. وجهها الوجه المليح
دينها دين الصحابه
تركع وترفع سـبابه
تالي الليل بحرابه
............. دمعها دايم يسـيح
قـنن = سدد الهدف
بكم الاولى = لا يتكلمون
بكم الثانيه = غير محدد - غالي
انا قلت السمر
ما ادري يمكن بعضكم يحب بيضاء البشره
الناس اذواق
وتمنى ان تكونوا قد استمتعتم بالقصيده
وكل واحد ينصح نفسه بنفسه
صدقني راح تستريح
اخوكم
"روح القلم"
|
 |
رد مع اقتباس