&&&&&&&


غربة عمر منها المشاعر عطيبات
ولجل الرجاء جربت كل الطرايق
ورد الامل في زحمة اليأس مامات
يحيه دمعن به رموشي غرايق
بصوتي أجاوب صرخة العمر بآهات
مدام حظي من عناء الوجد عايق

&&&&&&&


وعذابي كان لي نفس صحيحه
خيرت مابين صدك والمنيه
أن نويت البعد ضاقت بي الفسيحه
وأن بغيت القرب خان القرب فيه
كيف بخفي الحب وجروحي صريحه
كيف أحجب الشمس ياخلي بيديه
كيف أداوي علة النفس الجريحه
وين أودي دمعة العين الشقيه

&&&&&&&


أروي ضمى غيرى وأنا يابس الريق
وأضحك واجامل لو مانـى برايـق
وإن ضقت أسلّي خاطري بالطواريق
وأستلهـم الفرحـه لنفسـي دقايـق
وإن شفتك بعينيي وفي خاطري ضيق
إنزاح هم القلـب وأصبحـت فايـق

&&&&&&&


أبكي قصيده وأشبك البيت بالبيت
وأشكي قوافي الليل من كل ضيقه
وأدخل في بحور الشعر لامن تجليت
وأغوص في وسط البحور العميقه
في حبكم لاني بحي ولا ميت
كني كسير الطير ماله طريقه

&&&&&&&


صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر

&&&&&&&


من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها

&&&&&&&


شكواك للي طالبه مابعد خاب
ودعواي لك يالله تطول سنينه
كم واحد من الحب منصاب
الحب قاتل ماأحد يقدر يدينه
يادمع عيني لمن تغرب ومن غاب
ياشيب عيني لمن يفارق ضنينه
قلبي عذلته لكن القلب ماتاب
والحب تلعن ساعته وسنينه

&&&&&&&

من يوم ماذوقتني حر فرقاك
واليأس والحزن في حياتي غرسته
شريت لي ثوب على شان لقياك
والثوب راحت موضته ما لبسته
وشريت عطر مازهاني بلياك
أربع سنين بعلبته ما لمسته

&&&&&&&

يامرحبا أعداد ما لاحت بروق
ترحيبة المؤمن بحكم الشريعه
رسالتن جتني من أعز مخلوق
ومن كان مثلك طيب مانبيعه
ياطيب الجدان من جذر وعروق
أفعالهم كل الخلايق تذيعه

&&&&&&&


أرسلك المرسول يامعرب الجد
من ساس قوما"يحتمون المظله
يحمل تحياتي بها الود ممتد
من ضامري ماهي سواليف شله
البعد ماعنه الرجاجيل تنحد
لو حال من دونه سماء نجد كله
والحر مهما راح لابد مايرد
للنايف اللي كل حر فطن له

&&&&&&&


مافيك عيب إلا قلبك متيني
وتصد عني والصدود القطيعه
إن كان واصلني فهذي يميني
مبسوطه لك والمواصل شريعه
0وإن كان قاطعني يبالله يعيني
مر الفراق ولا حلاوة خديعه
لكن صبري والرجاء واليقيني
وسيلتي عن كل بلوى وجيعه

&&&&&&&


وش حيلة اللي علته داخل الجوف
نار الفراق بوسط صدره تصلى
وش حيلتي ياناس والحال منصوف
منصوف نصفين على اللي تغلى
نصفه يقول أصبر يمكن يحن ويروف
ونصفه يقول اللي تغلى يخلى

&&&&&&&


من دون ماأقصد ياهوى البال مريت
قدام بابك وأنجبرت أشتكيله
ياباب قله في عذابي تماديت
ومرت على فراقه سنين طويله
شوقي فضحني في عيوني وصديت
الدمع مايرحم وماقويت أشيله

&&&&&&&


خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف اداف طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني ما أظن


&&&&&&&


غايتي ومناي بالدنيا رضاك
لو يقولون العرب صابه جنون
لو جفوني من نهوني عن هواك
لو رضيت فراقهم عندي يهون
لو تغيب سنين قلبي مانساك
لو تعذبه المواجع والطعون
حالف ماأنساك لو بعدك هلاك
ومن حفظ عهد المحبة مايخون

&&&&&&&


هذي رسالة تاصلك في قصيدة
فيها بأعبر لك من القلب بإحساس
أببتدي وياك صفحة جديده
ولا أتركك وأتوب ياشمعة الناس
لا تبتعد عني بديره بعيده
كيف يتحمل غيبتك قلب حساس

&&&&&&&


وصلك مثل غيم الربيع أستخيله
وأنا على باب المحبة رجاوي
حاولت قربك مالقيت الوسيله
أنا أشهد أني بالمحبة شقاوي
مالي على مايجري اليوم حيله
ولاني على بعد المحبين قاوي

&&&&&&&


ولعتني يانور عيني وصديت
وخليتني من طول هجرك أعاني
مدري جفاء مدري علينا تغليت
ولا دخل في جوكم شخص ثاني
وأنت الذي في وسط عيني تعليت
وليا ذكرتك داعي الشعر جاني
ماطاب لي زاد ولا مقعد البيت
حتى لذيذ النوم راح وجفاني


&&&&&&&


ليتك تعرف أن الهوى سهم ذباح
وقلوب عشاق المحبة رقيقه
وليتك تعرف أني ليا شفت رقمك أرتاح
والقلب يسعد يوم يلقى رفيقه
أنا الحزين وباقي الناس بأفراح
وأنا الأسير وخلق ربي طليقه

&&&&&&&


أسأل وأنا كلي من أجلك إجابات
كل الصعايب لأجل عينك سهاله
يضيق صدري لو بقارقك لحظات
وأصير بعدك بألف حاله وحاله
لو كنت غايب وأبعدتك المسافات
لك صاحب ماغبت عن خياله

&&&&&&&


أنا الذي من بدة الناس أغليك
وأنا الذي عينه تراعي خيالك
وأنا الذي لو تزهمه ماتعداك
وتطلبه في كل حزه عنالك
يالعنبو دنيا تهمك وتشناك
موتي ولا شيء يكدر مزاجك
هذا كلام اللي يعزك ويفداك
ماهو كلام اللي يدور ضياعك

&&&&&&&


محتاج لك ماهي مثل
كل مره .. هالمره أكبر
من سهر ليل وإحساس..
ياللي غيابك عن عيوني
مضره.. عندي حضورك
فرحة مالها قياس..
قلب ملكته صار لك فيه
جره.. يغار منها كل من
مر عساس...

&&&&&&&