هلا بالحب وغصون الزهر والعشق وريح الورد
هلا بالنور لاغطى شعاعه ظلمة أيامي
هلا ياروعة الصوره وشمس الامس نور الغد
هلا باللي على كفه يعلق سبحة أحلامي
هلا باللي ينافسني على حبه هيام الود
هلا باللي يوصلني غلاه لذروة هيامي
هلا باللي يدفيني بصوته في ليالي البرد
هلا باللي برعشة صوت عذره تركد اعظامي
هلا بالبسمه إللي في طعمها مثل طعم الشهد
هلا بالمورد إلي من زلاله يروي الظامي
هلا باللي سكب دمعي وعلمني هواه السهد
ينام إلي سلا قلبه وجفن العين ما نامي
هلا بالطيب إلي والله إني اعشقه من جد
هلا يانور عيني ويا دواي وبلسم آلامي
هلا بأغلى الهدايا إلي من الرحمن لي تنمد
هلاباللي عيونه هي قصيدي ومصدر إلهامي
هلا باللي غلاه بخافقي بين جزر ومد
خفوقي ساحل وعشقه بحر بالشوق مترامي
أهلي به عدد ما إشتقت له..والشوق ما ينعد
بقلبي في غيابه..كيف أجل لاصار قدامي؟

s