طرائف العرسااااااان الجدد

[بن سمن]

هذي طرائف للعرسان الجدد اتمنى تعجبكم

((الصديق وقت الضيق))

واحد في ليلة عرسه جالس في زاويه وزوجته في زاويه , يكلمها مستحيه وتطالع الأرض .. يذب نكته يستهبل عليها ماش البنت تطالع في الأرض ومشكلته ولا كأن فيه أحد جالس جنبها ..
الرجال من كثر مايكلم نفسه وبنت الناس ساكته قال خلني بسكت وأشوف وش تاليتها معها .. يعني ثنيناتهم سكتوا ..
شوي يوم جو أخويا الزوج وقالوا بنستهبل عليه .. المهم ويقوم واحد منهم ويآخذ حصاة ويرجمها في النافذة .. عاد تخيلوا سكوووون وصوت صقعه فجأه .. البنت يوم سمعت الصوت طمرت وضمت زوجها من الخوف .. الرجال اعجبته الحركه .. ترك حرمته على جنب وطلع من النافذة وصاح لأخوياه " ثانيه شباب ثانيه " !!

ههههههههههههههههههه

((كذا الربع ولا بلاش))

هذا واحد أخوياه ماينلعب معهم .. يوم عرسه مروه ربعه وقالوا يالله مشينا الحلاق نسمكر وجهك .. يوم ودوه للحلاق ( وكانوا متفقين مع الحلاق من قبل ) وينقز واحد منهم ويتل راسه ويقول للحلاق يالله أدهر وأبو الشباب ماعاقت معه وجز راس المعرس .. مووووووووووس . .
المهم أنهم حلقوه موس والمعرس قفلت معه ولا قدر يسوي شي .. يوم جا العرس طق الطاقيه والغتره ومشى كل شي سليم ..
عاد يوم جا في البيت لازم يشيل الغتره موب على طول بتبتل كذا .. يوم فصخ الغتره وطلعت الصلعه البنت قالت ذا مهبول ولا فيه بلا .. ولا أحد يحلق مووس يوم زواجه ..
اللي زاد الطين بله أن المعرس شاف البنت خايفه وفاهمه غلط قال خلني بطينها وقعد يخوفها ويقرب راسه يمها كنه بينطحها ويسوي حركات كنه مهبول .. يوم طلعت الشمس قالت البنت : ودني لأهلي .. ( قالت في نفسها أبوي ذابني على واحدن مامنه رجا !! ) عاد المعرس دق على أبوها وقال له تعال يوم جا فهمه أن أخوياه سوو كذا وكذا وأنه شافها خايفه قال خلني أستهبل عليها .. والأبو فهم البنت وعدى هاك اليوم على خير ..
ربك سترها

((قصة الجوعانه))

ثنين توهم متزوجين .. أول ما رجعوا لبيتهم الا زوجها مجهز لهم عشاء .. أختنا في الله الدنيا مسودّة قدامها من الجوع .. ما ذاقت الاكل من أصبحت من زود ماهي مشتطة .. ورجلها يناديها يبيها تاكل .. البنت مستحية وما تبي تاكل قدام رجلها .. بس انها جوعاااااانة .. قالت له لا تسلم أنا شبعانة .. يقول لها يا بنت الحلال تعالي كلي لك لقمة ولا لقمتين .. والبنت تقول أبدا الله مير ينعم به ماله محل .. ويحاول فيها من هنا من هناك وهي ميبسة دمجتها .. مع انها كانت تتعبر مع كل لقمة يبلعها وتقول في نفسها اخلص عاد يبو الشباب علينا تراك مصختها ..
خلص زوجها من العشا وقال لها يلا ننام ترانا ورانا قومة بدري بكرة ( الضيفة عند أهله ) .. قالت لها خلاص انت رح نام أنا بضف الأكل أول .. الرجل ابتسم ابتسامة صفرا وقال على راحتك .. ما صدقت المرة رجلها يدخل الحجرة الا طيرااااااااان على الأكل .. لقمة في فمها ولقمة في يدها وعينها على الثالثة . . وهي في قمة الانسجام ما درت الا ذا الي يمد لها كاس الموية يقول لها سمي خليه ينزل الاكل في بطنك وهي الي تتروع ,,


1/ وحده جاب زوجها لها تمر وجلس يأكلها حبه حبه طبعاً البنت إستحت منه تطلع نواة التمر قدامه


قامت تبلع وهو يعطيها وأختنا في الله تبلع إلى إن إنتهى بهالموضوع في المستشفى


2/ وحده جت تخطب صديقتها لأخوها .. عزمتها في بيتهم وقالت لأخوها طل عليها من الشباك وشفها


إذا عجبتك نخطبها لك وافق أخوها ماكذب خبر ولما جت البنت جلسو في المجلس يتقهوون وأعطتها شكولاته


البنت رفضت تاخذها وهذي تلزم عليها والبنت مصره ماتاخذ ولما طلعت تسأل أخوها عن رأيه في البنت !!!


الأخ شاف البنت وهي تاخذ الشكولاته وتحطها في شنطتها ولما سألته أخته ايش رأيك ؟؟ قال موافق


على طول وتم الزواج وفي ليلة الزواج الزوج يسأل البنت وين الشكولاته اللي أخذتيها من بيتنا ؟؟


البنت احمر وجهها وصفر ماتدري أنه كان في أحد يراقبها


3/ بنت تعودت هي وأخواتها إذا مر أحدهم بجنب الثاني مد رجله ويطيحه على الأرض المهم لما تزوجت


وفي الأسبوع الأول من الزواج وقام الزوج من وجبة الغداء علشان يغسل مدت رجلها كالعاده وطاح الزوج


وانكسرت ذراعه والبنت من شدة خجلها من الموقف راحت لأهلها ( عاده سيئه والنتيجه أسوأ )


4 / واحد تزوج على زوجته ( ومن الحره اللي فيها ) جت في ليلة زواجه وخذت ثيابه اللي بيلبسهم


ومسحت عليها قشر برشومي ( احسن يستاهل )


5 / فيه وحده تقول .. في أول يوم من زواجي طلب مني زوجي أن أفتح له علبة بيبسي قمت وفتحتها


قدام وجهه وياللهووووووووول طاش البيبسي على وجهه وملابسه والجدار وأنا مع خوفي جتني حاله


هيستيريه من الضحك وأنا أشوف هالموقف ( تبي تكحلها عمتها )


6 / وحده يوم زواجها بعد ماخلصت من التجميل والتسريحه جت تطلع على الحريم وتجلس على المنصه


الا شافت بعض الحمره في يدها دخلت تغسل يدها وفتحت الحنفيه ومادرت الا الدش يصب على راسها


ههههههههههههههه ( أحسن خلها تطلع على حقيقتها )


7 / هذي وحده إنخطبت وطبعاً جاء العريس وأبوه لأهل البنت علشان يتفقون على لوازم الزواج المهم اللي


حصل إن البنت وأخواتها يبغون يشوفون العريس وكان فيه غرفه بجنب المجلس يفصل بينهم باب سحب


البنت هي وأخواتها مجتمعين عند الباب ومطفين النور وكل وحده تدفع الثانيه تبغى تشوف


وفي هذه المعمعه والدافع والمدفوع لشوفة العريس ولكثرة الضغط ودزني ودزك مادرت البنت إلا وهي


مدفوعه من الباب وطاحت على وجهها قدام العريس هههههههههههههههههه

اتمنى انها اعجبتكم وانتظروووووووووووووووا القادم احلى

منقووووووووول

[ال حوسى المحنشي]

هههههههههههههههههههههههههههه

والله مواقف محرجه من جد بذات السادسه