كلمات روعة مسروقه من دفتر طفل

[majed634]

السلام عليكم


كلمات روعة مسروقه من دفتر طفل



هذه كلمات مسروقه من دفتر طفل كتبها بعامية اللغه..ودهشة السؤال؟؟.!

>السبت:فتحت عيوني..أدور عن نور..أمروني:<غمض>..و...غمضت..بعدها ما شفت >لا ابيض ولا اسود!

الأحد:كنت أسمعهم يقولون:<ألعن أبوك!>,<يا حمار>,<يا حيوان>, <يا >ثور>,<يا بقرة>,<يا لوح>,<يا جدار>...فتوقعت اني في حديقة >حيوانات..فتحت عيوني ابغى اشوف ها(الحيوانات)..قالوا لي:"ما يصلح تشوف >قلة أدب"..سألتهم:طيب..في عصفور؟؟ >صرخوا في وجهي:<انطم وغمض>..!!

>الاثنين:سمحوا لي اشوف التلفزيون..كنت لحالي منسجم مع أفلام >كرتون..دخلت امي..وكان ابو عائلة ادمز(يبوس) أمهم..ركضت امي ..غيرت >القناة..وصرخت بأعلى صوتها.."عيب عليك..قاعد تشوف قلة أدب..!!"ناظرتها >بكل براءه وانا متعجب من اللي صار:"طيب وش صار؟؟أبوهم يبوس >أمهم!.."قالت لي وهي معصبه مرررررررررررره(التبويس..قلة حياء!!) >بعدها بأسبوع..شفت امي تسلم على ام الجيران و(تبوووووسها)..قلت لها >وانا كلي أسى"يا ماما..التبويس قلة حياء!!.."

الثلاثاء:كانوا بنات خالتي عندنا..وكنت الولد الوحيد اللي يلعب >معهم..وأبوي بس يبحلق عيونه فيني وين ما رحت ووين ما جيت..بعد ما >راحوا..ناداني أبوي وقال:"عيب الواحد يجلس مع بنات..قلة أدب..!" >بعدها بكم يوم..كان أبوي جالس مع عماتي..ناظرته بطرف عين(وتبون الصدق >حقدت عليه)..وقلت له:"اللي يجلس مع بنات..قليل أدب!!"

الأربعاء:كنت اسمعهم يقولون(صدام قوي)..وأعجبني...بعد >الأزمه..قالوا(حرامي ومجرم)..سألتهم:كيف؟؟!!..قالوا:"حرامي >ومجرم..وبس..واسكت..!" >وكنت أسمعهم بعد يقولون (جيم كاري..فاسد)..فكرهته على طول..وكانوا >يشوفون أفلامه..ويضحكووووووون..كنت أسألهم"ليه تضحكون؟!..ما تقولون انه >فاسد"...قالوا..ورا ما تنطم بس.!؟؟

الخميس:أبوي يقول<االتدخين>حرام.. واللي يدخن يدخل النار..وفي يوم شفت >ابوي جالس مع صديقه أبو حمد..وأبو حمد ماسك السيجاره بيده..وقفت وسألت >ابوي""طيب اللي يجلس مع اللي يدخنون..يدخل النار بعد؟!!!"

الجمعة:أسمعهم يقولون..ان اللي يطول في مكالمته يغازل..واللي يروح >للسوق يغازل..واللي يعرف انترنت يغازل...وامي تطول على التلفون,,وتروح >للسوق,,وتطقطق على الكمبيوتر..رحت لأبوي وانا >مصدوووووووووم::"أبووووووووي الحق....................... >أمي تغازل..!!!..!!..!!!!

للاسف هذي صور من المجتمع

تحيااتي

[الحلم]

صور تصل برمجتها في نفس الطفل حد الاجرام..

ولا زلنا نحن نتشبث بأسمال نظرية (العيب) المهترئة..

مظاهر كاذبة وقدوات أكذب..

ضجيج نفتعله ليتألم منه الصغار

تعظيم سلام ياماجد
لك الود

ياااااااااااااااااااااهـ

كم سرحت مع هذه الكلمات العجيبة

كم منا قد تفكر في عقليات هؤلاء الأطفال وفي طريقة تفكيرهم وبراءتها

حتى وإن لم ينطقوا ويتساءلوا

إلا أنهم يفكرون ويقارنون ويتعجبون ويحللون كل ما تلتقطه حواسهم .

ويقعون في مأساة حقيقية عندما تتصادم التوجيهات التي يتلقونها مع ما يشاهدونه حولهم .

* * * * *

طفلة تدرس في الصف الثاني أمها معلمة في نفس المدرسة

أمها وأبوها حرموا عليهم شرب البيبسي وإدخاله إلى البيت وحذروهم من خطره بأبشع الأوصاف

وفي يوم من الأيام دخلت الفتاة غرفة المعلمات تبحث عن أمها فرأتها تفطر مع بقية المعلمات

ويشربون البيبسي فصعقت الفتاة وصرخت باكية :

أمييييييييي

ليش تشربي بيبسي !

............

وقد نقل لي هذا الخبر أهلي من نفس المدرسة

فكم تخيلت وقع الصدمة على الفتاة وخطأ أسلوب أبويها في تعليمها بذلك .


موضوع رائع بكل معنى الكلمة .

الله يبارك فيك يا ماجد

[majed634]

اشكر كل من شارك في هذا الموضوع الجاد

ولكم تحياتي