صـــواريخ
السلام عليكم
سلخيرررر
اولا كل عام وأنتم بخير وعافيه وشهر مبارك
ثانيا ابي اكتب باللهجة النجدية لاني لاحظت عدم تفاعلكم مع موضوعي الاخير
ثالثا : صواريخ يعني كذب ونصب كبر الجبال
رابعا ابي اطلق بعض الصواريخ قبل لايدخل رمضان عشان انا ماحب انصب ونا صايم ويسرني ويحز في خشمي اني اطلق أحد الصواريخ حديثة الصنع طاااااااازه يعني ويعتبر من عابرات القارات واليكم التفاصيل
الزمان / نصف الليل
المكان / مظلة سيارتيفي المشمش
الحدث / نسيت شنطة سيارتي مفتوحه بعد ان نزلت مقاضي رمضان اللي كلها مكرونه وعجينه سمبوسه ومن التعب نمت وفجعة قمت منزعج من النوم وطلعت للسياره عشان اغلق الشنطه لقيت استبنة السياره قد طلعت من الشنطه وجلست مع كفرات السياره تتناقش معهم
وسمعت منهم هذا الحمار
الاستبنه : السلام عليكم
الكفرات : وعليكم السلام
الكفر الامامي الايسر :انتي يا الاستبنه وش نزلك من الشنطه ها والموتر الحين
مايحتاج لك الا اذا بنشرت وحده منا
الاستبنه : والله شفت الشنطه مفتوحه قلت انزل اسولف معكن شوي
الكفر الامامي الايمن : خير وش عندك ؟
الاستبنه : انا كنت قبل امس في البنشر وكان عندي شوي تنسيم أكبر وأعظم من التنسيم اللي في راس ابو ذياب والمعنى وكنت اتناقش مع الكفرات المنسمات هناك والله يا هم قطعوا لستكي من الضحك
الكفر الامامي الايسر : خير وش عندهم ؟
الاستبنه : تقول وحده من الكفرات انه بيجي يوم وبيستغني عنا الموتر والحين نمشي بلا لستك يعني ( تيوبلست ) وبيجي يوم ويمشي الموتر على الجنوط بدون كفرات
الكفر الخلفي الايسر : فال الله ولا فالك ان شاء الله يستغني عن الاستبنات
الاستبنه : ضحكت وقالت : وانتي نسيتي انك في يوم من الايام بتصيرين استبنه ترا دوام الحال من المحال ههههههههههههه
الكفر الخلفي الايمن : انا اشك في نزولك اكيد بتسوين لنا عمل او بتفقعين مرارة وحده منا
الاستبنه : وليش اسوي لكم عمل هاه اصلا انا ادعي ان ما فيه احد منكم يبنشر لاني مرتاحه في الشنطه وذبحني النوم وصابرة على الريحة اللي تجيني من الركاب لكن ماعليه بس وربي التعب كلّه عليكم بصراحه انتم صايرين لي اربع خدامات سيريلنكيات بعد
الكفر الخلفي الايمن : يا سلام لو تجين محل وحده منا لكن بعيد على بلفك وبتعيشين طول عمرك استبنه هههههههههه
الكفر الخلفي الايسر : الا صدق ما تنقهرين انك صايره لنا استبنه هاه ؟
الاستبنه : والله كوني اصير استبنه احسن لي من اني اصير إمعه وتابعه للكفرات الاماميه تقودكم على كيفها ان لفوا يمين تبعتوهم وان راحوا سيده رحتو معهم يعني انتم مسلوبي الاراده
الكفر الامامي الايمن : وإنتي الحين وش دخل بلفك في شي مايخصك حنا متفاهمين وحنا ندري انك تبين تبثين الفرقه بيننا والموتر الله يطول عمره ما قصر يعاملنا معامله وحده بس ربط الفرامل زحف بنا يالاربع كلنا
الاستبنه : كيف يعني يعاملكم معامله وحده والتفحيط كله على الخلفيات شف صلعت ذا تلمع تقل صلعة رديمة
الكفر الخلفيه اليمنى : ما لك دخل حنا راضين وترا بنعلم الموتر عليك
الاستبنه : وانا وش يهمني ما دمت استبنه الخوف عليكم وعلى فكره الموتر ترا ماله خاتمه وترا من تبنشر وحده منكم يحطني بدالها
الكفر الاماميه اليسرى : من حقه البنشري محلل له اربع هههههههههههههههههه وهو ما يمشي الا على اربع
الكفر الاماميه اليمنى : وان شاء الله ما يحتاج لك الين يخبط والايصدم يالخبله
الاستبنه : فال الله ولا فالك يالسوداء يالعبده
الكفر الخلفيه اليمنى : لاه اوووه لاه اقول لا ينطق فيك عرق يا ديانا كرازون انتي الحين اسود منا ومخيسه من شهور ما احد غسلك يعني سوداء وريحتك طالعه
الكفرات الاربع : هههههههههههه <<<< يضحكون
الاستبنه : تستقبل القبله وتقول : قولوا يا الله
جعل المسمار يخرق قلوبكم جعلني اشوف البزران يلعبون بلساتككم في البركه جعلكم للصلع ولا اشوف لكم جره وجعل جنوطكم يتبرون منكم ههههههههههه
طبعا الموتر يوم شاف الوضع تأزم بين الكفرات وطلع مسمار ودور اقدم وحده منهم وخرقها بالمسمار
الثلاث كفرات سمعوا زميلتهم تقول : أأأأأي تسسسسسسسسسسسس
طبعا انا عاد يوم سمعت الصوت احسبه من راس المعنى لكن شفت الموتر بنشر بوحده عرفت قصده وكملت المطلوب وفكيت الكفر المنسمه وركبت الاستبنه وطبعا الاستبنه الحين حامل في شهرها السادس طعش
باركو لي تمت عملية الإطلاق بنجاح
خودافيس
|
 |
رد مع اقتباس
