زين...بس الزين مايكمل...

*** روعة خيال *** · 03 -06- 2008, 03:51 PM

السلام عليكم ورحمه الله وبركاته

زين...بس الزين مايكمل...

فيه مجموعة من الصور ... الغير مكتملة ... دعوني انهي الحديث هنا ... واتوجهه للصور :-

..:: الصوره الاولى ::..

رجل ثلاثيني ... طيب ... خلوق ...متزوج ... أب لولد وبنت بعمر الورد
ناجح بوظيفته ... محبوب من ربعه
مجتهد ومثابر وناجح علمياً وعملياً ... ومرتاح جداً مادياً
وراعي واجب وفزعات اجتماعيا
رائع بكل الامور الصعبه والسهله

لكنه ... مقصر بحق اهله ...!!
لايقضي وقت كافي معهم
ولايشاركهم كثير في همهم
مريحهم مادياً ومقصر نفسياً وحسياً
عذب .... وسمعته اجمل بس .... الزين مايكمل

..:: الصوره الثانيه ::..

بنت عشرينيه
جمالها رباني ... وحياها شي ثاني
بسمتها سحريه .... وأناقتها أوربيه
ياهي شريفه وعفيفه .... وياهي خفيفه دم ولطيفه
اهلها يحبونها وصاحباتها يقدورنها
كامله بسحرها

.... بس ماتركع فرضها
تعرض عباتها ... بس تترك صلاتها
ترضي كل من حبها ... الا ربها
ياحلوها وفيها الحلا تمثل
زينه .... بس الزين مايكمل

..:: الصوره الثالثه ::..

زين .شاب عشريني
مثقف ، جامعي .. مره رقيق وألمعي
رياضي .. وسيم
نشيط وذكي ومثابر ... حساس مرهف وشاعر
متميز بذوق وخجل.... ولسانه ينقط عسل
يتعامل مع الناس بلباقه
ويخاطبهم بأحترام وذوق

لكنه عاق لوالديه
اغلب كلامه لهم ( أف )
فضاً غليضاً للاسف
محترم وراقي وحساس .... ولو طلب شي من الناس
يعطونه كل اللي يبيه

كل شي بالدنيا يهمه
الا ابوه وأمه
رايق مع الناس يتجمل
زين.. بس الزين مايكمل.

..:: الصوره الرابعه ::..

معلمة ومربية اجيال
واعية ومثقفة ، اسلوبها سلس ومحبب.. عذبة وكلامها اعذب
توصل مادتها العلمية بأتقان .... وسائل تعليمية متطورة ولوحات بألوان،
طالباتها من طيبتها صاروا صديقاتها .... وكلهم تفوقوا علمياً بمادتها
وبالخير جابوا سيرتها
صارت مثال للكمال

..بس تغازل بالجوال
تكلم قدامهم خويها
وتسمع العالم حكيها
علمتهم ونجحتهم
وقصرت في تربيتم
وللغلط من دون ماتدري دفعتهم
علمها بحضرتها يخجل
زينه ... بس الزين مايكمل

---- انتهت الصور ----

منقول