السلام عليكم
قبل فتره قلت خلني اسوي وكاله لواحد يراجع عني رحت لكتابة العدل وبعد ماسويتله وكاله اعتذر وبعد فتره رحت وسويت وكاله لواحد غيره وفي نفس الموضوع والجماعه لا حس ولا خبر... المهم اني ذحين عندي ثلاث وكالات لنفس الموضوع لثلاثة اشخاص وكل الوكالات من مكان واحد ومن مكتب واحد.
بعدها بفتره واحد من الشباب ضيع صك ارضي رحت ابغى بدل فاقد قالوا اعلن واعلنت وطلعولي صك بدل فاقد وبعدها بكم يوم الرجال حصل الصك اللي ضيعه وصار عندي صكين لنفس الارض. عرضت الارض للبيع وجاني زبون ورحت معاه لكتابة العدل وافرغت له الارض في مكتب مدير كتابة العدل بالصك المفقود والجماعه لاحس ولا خبر وبعد ماخرجنا من كتابة العدل اعطيت الرجال الصك بدل الفاقد وفهمته بالقصه قال لي ياخي ما عليك والله لو يبغون يدققون يبغالهم مية سنه عشان يعرفون... انت ماشفت ارشيفهم؟ طبعا الزبون هذا زميلي وبيننا ثقه متبادله.
لكن!! وبصراحه الوضع مخيف بهذه الطريقه وممكن ان تستغل كتابة العدل أسوا استغلال يعني بكل سهوله ممكن اسويلك وكاله باستلام مبالغ ماليه وبعدها بفتره زمنيه بسيطه اروح واسوي وكاله لواحد ثاني باستلام نفس المبلغ والجماعه لا حس ولا خبر.
|
 |
رد مع اقتباس
