كلنا عشـاق


كلنا عشاق لكن .. كل واحد له حكايه
ولما تجمعنا الاماكن .. تاخذك مني المرايه ..

اوعد عيوني بشمسك .. وتوعدي نفسك .. بـ نفسك !
ما ملك عقلك وحسك .. لا انا ولا سوايا ..

اعطي ظهرك للمرايا وشوفي غيرك ..
اظهري من ليل كحلك ومن اساورك وحريرك ..
افتحي الشباك مره .. وشوفي الناس والشوارع .. وش كثر هالغربه مرّه ..
للي وسط الزحمه ضاايع ..

كلنا عشاق لكن .. كلنا نحبك .. نحبك ..
وانتي جرحك فيا ساكن .. وانا همي برا قلبك ..
امشي لو نصف المسافه و وقفي بينك وبيني ..
وش تبي بهذي المرايه ..؟ انتي اجمل وسط عيني ..



بدر بن عبدالمحسن