حطين.. العشق القديم
مساء الفل والعزان والكادي مساء الجود
مساء الحب كل الحب عنوان المحبينا
تحايا صغتها أبيات أزكى من عبير العود
ومن بعد التحايا الصادقة نفتخر نرفع ايادينا
ونوقف احترام لجيلنا الذهبي وقوف جنود
ونرفع قبعة للي رفع بالشكل والمضمون نادينا
أبو خالد عطى من كل ما يملك بدون حدود
ويد وحده تصفق لو تعززها ايادينا
عطى الغالي النفيس وقدم ما يبي مردود
عطى وقته مع ماله وكل الحب حطينا
ولون الورد عنابي.. وعنابي الفريق ورود
وعنابي شعار المفخرة والعز نادينا
هدر موج البحر.. زار وسط الجبال أسود
وردد بالصدى حطين.. يا حطين وادينا
متى تلمح شعاع الشمس يلمع في الفضا ويسود
إذا شمس الجنوب الدافية من صامطة تحرق معادينا
نتيجة عزم والإصرار تثمر في النهاية صعود
ومن عاداتنا نصعد من الأصعب لو التحكيم يئذينا
وبعد الشكر والترحيب بالأسماء أخص أسود
حفيد المدخلي موسى عزف أهداف تلحينا
وبن حنتول ومساوي الكريري والنمر وسكود
وأبناء المجعدل أحكموا الرادار تقنينا
فقيهي دينمو المحور.. وأحمد صاحب المجهود
وصالح قال شوفوني بوقت العسر واللينا
وابن الفتح والقدري مع السنبل وقرن سعود
ومنقا خاطب المشعان ركز افتح العينا
وهذا كابتن الطيار أحمد للفريق يقود
ويرعب بالاسم موتان والعزي يغنينا
وحامي عريننا ناصر مع البيشي الأسد ويذود
عن المرمى يرد المعتدي خسران مسكينا
وبن عثمان يطربني إذا ما البس يعزف عود
ودرس منيف مجانبي اذا يحتاج تلقينا
غرب نجم الخصوم، ونجم غرابنا موجود
عطى التكتيك للفرقة وفيصل باعشن حينا
وشيخ المجلس الناجح أبو عبدالمجيد يجود
هلا بالمشيخي الضابط رجاحة عقل والدينا
ينوب المدخلي في العشق واحيانا عليه يزود
انا محتار بالتحديد ذا واحد أم اثنينا
تمام الرابعة تلقاه في المكتب لديه ردود
ونفس الوقت في الملعب يتابعها التمارينا
على نعم الإداري للفريق وجسرنا المدود
أمين السر والكلمة الأخيرة دوم يعطينا
شبيلي جوكر الألعاب خيالك تلتفت موجود
صديق الكل في النادي يصبحنا يمسينا
كفيتم ووفيتم نصافحكم نبوس خدود
ونطلب بالمزيد وتسبق الفرحة تهانينا
صحيح فريقنا ريفي ومن أقصى الجنوب يعود
بإمكانات محدودة.. ونرعب من يبارينا
لا إتي ولا هلالي ولا الغوطة ولا أخدود
هنا حطين ملء الفم وسط القلب باقينا
ونادينا ينادينا يطلب دعمنا المنشود
كفاية صمت.. قولوا تم.. أبشر يا منادينا
بيد الكل مثل الفل ولا حد من ذوي المحدود
وإن لم.! وقفة المعنى تكفينا.. تكفينا
حرام مثل بو خالد يقابل متنا بصدود
حرام نبادله بالنقد والتجريح تلوينا
حبايبنا بوسط القلب ولا يمكن تلاقي جحود
وعذري.. من سقط اسمه قوافي الشعر تملينا
ولا ننسى الجماهير الوفية.. دورها مشهود
لها شعري مع شكر الرئيس وكل من فينا
نقدر كل من ساهم ولا نحتاج ضبط شهود
اتفقنا كلنا حطين اسما والعناوينا
تفاءلنا.. توكلنا على الله الواحد المعبود
عقدنا العزم والنية للأضواء ماشينا
تعاهدنا إلى الممتاز والأولى محط وقود
سفينة يقودها ماهر تعدي تعبر المينا
معي آمين قولوها نرددها لآل سعود
عسى يارب تحفظهم وتنصرهم بآمينا
حبيب الشعب بو متعب وسلطان الكرم والجود
وسلطان الرياضة والهرم داعم نوادينا
للشاعر المبدع / عمر يحيى دوم مدخلي.
|
 |
رد مع اقتباس
المشاركة الأصلية كتبت بواسطة ابو سلاف
