حرب ملحوج الجزء الثاني
مسهم بالخير
اكمل معكم الجزء الثاني
لكن بلهجة غير يبكي:
كان ودي اكملها باللهجة الجهويةلكن أمر الله شق مقربة كخخخخخخخخخخخ
ندخل على كرشة الموضوع:
الله من الترقيم والخساسه في هاللحوج ما يندري وش هم يزينون وسط هالزحمه
والشعب قام يشاهق من الوناسه ويطامرون هاللحوج في الشوارع من الفرحه ...
قضى الطقاق بلاهم انغثوا وفاحت ريحتهم مساكين وحالتهم غدت حالتن ما يعلم بها الا الله ..
ماتوا منهم واجد وتعوّروا ناس ومهنا علاج ولا شي يآكلونه ولا يشربونه
ترى نصف هالمحششين ما يدرون وش الطبخه وطالعين يرقصون ويستهبلون يحسبون منتخبهم فايز :D
ومن يوم شفتهم ونا اقول يازين السعوديه والرياض والجهو وسامطه ومتقاريح كخخخخخخخخخخخ
من جد والله قاعدين فيذا امن وأمان لا حشيش ولا لحوج ولا حتى حق قناة الجزيره ذاك اللي يخوف
وجا الخبر اللي عقبه على طول اردى من هذا بس انه يفل الحجاج ويخليك تبرد تسبدك في هالحمّر العطرّ اللي سووا فيها اشناب وراحوا للعراق وتوهقوا
قال تحرير قال
يا جعلهم للصاوي اللي يشب في تسبودهم <<< ذا الدعوه حقت جدتي النجدية
بصراحه والحق يقال استوقفتني صوره نظرت إليها ملياً :D <<<<< وش عنده مزوام قباني
شوفوها
نعنبوهم وش زين خدودهم وبراطمهم ولو انهم في حرب وغبار وشموس .. وحنا لو الواحد يطلع خمس دقايق يجيب خبز رجع للبيت وفي وجهه أنواع الجراثيم
ماعلينا زيون ولا موب زيون الزين للحرمه موب للرجال <<<< تفوووو عليك حامضه :D
اهم شي ان أمريكا فيذاك مآكله تراب وش ملحه وكل يوم يغدي أردي من اللي قبله وعساه من تسذا وأردى ان شاء الله وامس القريّب قاعدين في القصر الرئاسي حق صدام اللي هو مقر القوات حقتهم ولا دروا الا وكلش يهز حولهم وانفجارات واختبصوا وقاموا يطلقون في الهوا ويمين ويسار الين ما هجدت الدعوى...
عاد خبركم امريكا لو يموتون عشره منهم قدامك يطلع واحد ويصرّح عيني عينك ويقول اصابات طفيفه
عسكري ورشاش وطاقية يابسه ومكلّف على روحه وآخرتها لو تعطس جنبه مات من الخوف
وامس القريب ذا اللي راح جا عراقي وده يمزح معهم وأطلق عليهم صاروخ وهم في قسم الشرطه ونثرهم نثر وسط القسم وتشلّخ منهم اثنين ودوهم للمستشفى في سيارة اسعاف <<<< اشوى احسبه في سيارة عسكريم :D
وبعد انفجرت قنبله امس في موتر واحد ومات وهالواحد مقاول امريكي (مقاول غريبه ما صار زيدي)
أمريكي فاضي قاعد يسوي رشـّه في موتره <<< الا والله انت الفاضي
مايستفاد من الموضوع :
1 - الاخبار مهيب زينه غير النشره الجويه لا تدوّر
اجل بالله عليكم احد بيسمع طلاطه وطلاطين ولهوب رايحن وطي مع هالدلع <<<< قال دلع قال خخخخخخخخخخخخخ
2 - لعد تخلي مسنجرك مفتوح وانت تكتب .. لانه كل شوي يجي واحد ويسولف معك ويشغلك <<<< ان قراها الليل والنهار بيقول ارجع اكتبها بلهجتك
افكر اني اصقعه بلوك بلا لهجة بلا بطيخ :D
3 - اربط حزام الامان .. مع تحيات شركة الكهرباء برعاية وزارة المرور والراجحي
4 - هذي حطيتها كذا بس .. موضوعي وبكيفي اسوي اللي ابي
5 - وين مفتاحي ؟
6 - ايه خلاص لقيته
7 - استروا ما واجهتوا ... ويا حبي لكم
طحياطي
|
 |
رد مع اقتباس
المشاركة الأصلية كتبت بواسطة ديوانك وطني
