لا تـــروح ..
لاتخليني أنـوح
آنا مالي غيرك انت
وانت لي نبض ٍ وروح ..
* * *
لاتـروح ،،
لم شملي وضمني وايا شتاتي
لاتخليني أحاتي
ترتب انت هالجروح
وانا أهرب منك .. لك
ودها تصرخ حياتي
لاتروح ..
* * *
لاتــروح ،،
ياحبيبي لا تسافر !
ولو تروح
تلقى حبي وسط صدري
يفترش رمل المقابر
وتلقى ليلي طرف ساهر
وتلقى حزني ماله آخر
ياهو مرعبني بعادك
ياهو يهدم لي صروح ..
* * *
صرت احس إن المشاعر
في فؤادك
تبتعد عني وتروح !!
صرت احس اني في وادي
بعد مانا كنت عايش
فوق في أعلى السفوح !!
* * *
لا تــروح ..
حـيل يقتلني غيابك
وانا مااتحمل غيابك ..
هِــز غصني
واتساقط عند بابك ..
واللي خلاني أحبك
ما ابي منك إلا قلبك
إلا حبك / إلا قربك / إلا إنت
حتى لو لمسة ثيابك !!
وهذا هو كل الطموح ..
* * *
ولما تروح ،،
يغيب عن أرضي المطر
وابتجف وردة حياتك
اللي كانت أمنياتك
وينتهي منها العطر !
هذا إنت لما تسافر ..
أنسِكب فوق الأماني الميته
ياالأماني :
هذي آنا دايم احيا بريحته
ياالأماني :
لى متى أبقى أعاني ؟
وانتظرها جيته ..!!
ياالأماني :
بتكتمل قصة أسى
وسط المحاجر
يروح يوم ويجي باكر
والألم .. في سما برقي يلوح
ومثلي ماتقدر تبوح ..
الزمن قاسي حبيبي
ودايم بوصله شحوح !
،
،
البنفسج
|
 |
رد مع اقتباس
المشاركة الأصلية كتبت بواسطة أعذب
