عطني رئيس البلدية .. عطني مديرالمستشفى .. عطني مديرالكهرباء
عطني رئيس بلدية صامطة :
أنتم الحين ماتعلموني وشسالفتكم ؟!
صامطة شوارعها كلها حفر ومطبات وانتم وكأنكم ماتشوفون شيء !! ,
ماتشوفون شوارع الأحياء التي لايتقن عبورها والسير فيها إلا الملم بلعبةسيارات البلايستيشن
الانارة في شوارعها الداخلية تكاد تكون معدومة وانتم ما تدرون
ومعقول باقي ما عالجتم مشكلة تصريف مياه الأمطار للحين ؟
صحيح أنكم تصرحون بأرقام ومشاريع في طور الإنجاز والعمل ولكن المواطن لاتهمه هالأشياء طويلة المدى ، المواطن يبي يشوف شيء على الواقع ..
عطني مدير المستشفى :
يرضيكم اللي حاصل في غرف التنويم عندكم بالمستشفى اصبحت غرف فنادق ناس داخلين وناس خارجين وقال ايش قال مرافقين والتخازين تدق ليل نهار وحراسكم ما كنهم يشوفون شيء وكله كوم والوساخة اللي في الحمامات كوم ثاني لاااااااااااا والاسوأ من كل هذا معاملة الممرضات في قسم النساء للمريضات المنومات عندهن ياخي كأنهن يصرفن عليهن من جيوبهن ويرضيكم شغل الجزارين في المستشفى ، ويرضيكم إن المواطن يذهب لمستشفياتكم مصاباً بالأنفلونزا ليخرج بعدها على نقالة متوفي دماغياً !!
ويرضيكم إننا نسافر لمستشفيات أخرى داخل المملكة طلباً للعلاج وهروباً من الموت على أيدي أطباءكم ؟
عطني مدير فرع وزارة المياه بصامطة :
معقولة الماء ينقطع عن الاحياء لمدة يومين وثلاثة وانتو ما تحركوا ساكن والا عشانكم نقلتوا مقركم الى احد المسارحة اصبح الاهتمام كله هناك
وبعدين ليش ما يتم تشغيل الخزان الثاني اللي شرق ملعب حطين والا باقي ما اكتمل نصابه من الميزانية ؟؟!!
يجب أن تفهمون بأن تقصيركم محسوب عليكم ,وأي تهاون وتباطؤمنكم في تنفيذ مشاريعكم يؤخر المنطقة خطوات للوراء ويتناقض مع أطماح ولاة الأمر فيسرعة الإنجاز وعلى رأسهم أمير المنطقة المحبوب ؟
عطني رئيس لجنة التنمية الاجتماعية بصامطة :
تراكم زودتوها الحين كم سنة صاير لكم من يوم تأسست اللجنة ولا شاف السكان أي شيء يذكر من انجازاتكم الدولة مو مقصرة معكم والا انتو متعودين على الاخذ بدون العطاء ؟ ترون الكروش الكبيرة تسبب مشاكل
عطني مدير الكهرباء :
الحين انت ما تستحي قاعدين تفصلون الكهرباء عن عباد الله وتماطلون في اعادة التيار بعد ما يسددون باليوم واليومين بحجة ما فيه فرقة ياخي اطلب افتح فمك تكلم والا انت مكيفك شغال وعيالك نايمين وما يهمك من الباقين لاااااااااا ولا جاكم شخص يبلغ من انقطاع كهرباء والا سوء خدمة والا سلك ضغط عالي طايح في الشارع قلتوا عندك في الحاسب حرف c يعني سدد وبعدين قدم بلاغك لمتى بتستمرون على هالوضع
طوط طوط طوط << قطع الخط
منقول بتصرف
|
 |
رد مع اقتباس
المشاركة الأصلية كتبت بواسطة faisal075
.. والا إنك عسل ..
