ياعظيم الشـوق فينـي بسألـك حاجـه=لمنـي داخـل عيـونـك لا تخليـنـي
انتظر بكره وهمـي ضـاوي اسراجـه=محتوي ارضي بضـوه وانـت ناسينـي
معتكف بحشـود ظنـي انظـر افواجـه=ويـن مقبـل اتبعـه وارجـع انادينـي
ضايعٍ عمـري سفـر والشيـب ديباجـه=توّنـي بـأول ربيعـي واحتفـل فينـي
بنثرك يمكن تشوف الدمـع وش هاجـه=والعشم تنصف حضوري من ضعف عيني
صاحبك ميـت ضمـا والمـاء بافلاجـه=ارتجـي رشفـة لقـا والبعـد تروينـي
تتكي بيـن الغيـاب وساهـرك واجـه=غربتـه باخـر أمـل جالـس يحاتينـي
اسمعـك تهتـف بقلبـي عاشقـك ناجـه=وانزفـك بفصـول نبضـي لا تجافيـني
وأشهقك بأنفاس صدري فجـر محتاجـه=واجمعك باحضان بكره لين تأويني
البعاد انهـك دياري...ظلـم منهاجـه=والتعب خيـم بوجهـي ليه تشقيني
ما بقا يسـأل يحـاول يرجـع أدراجـه=والجواب المضطهد عارف... يواسينـي
مشتهي ليلك لأدور فــ..الشقا تاجه=والثمـن تهجـر حـدودي ليـن تفنينـي
ياعظيم الشـوق فينـي بسألـك حاجـه=لمنـي داخـل عيـونـك لا تخليـنـي
|
 |
رد مع اقتباس
المشاركة الأصلية كتبت بواسطة عناد كاتب
