تقول المرسلة في رسالتها :
زوجي يبي يرتاح ومومرتاح معي في تفكيره دايم يفكر بأفكار سلبية ويبي حل أو حلول لهذا الموضوع وناقشني في هذا الموضوع ويقول جدا تاعبته ويقول أنا مقصرة ولو استمريت على هذا الإهمال حيدور البديل ويتزوج ، ويسأل ليه حبك جاء متأخر ليه ما جاء بهالقوة في الأربع سنوات الماضية بحكم أهتميت فيه بزيادة هالفترة طبعا زوجي وأنا نحب بعض من أربع سنوات أحيانا يحصل إهمال مني رغم أني وحيدته وما عندنا عيال بس أعتبره طفلي وأبي أسعده بأي طريقة وربي شاهد إني أبي أسعده 0 زوجي معقد في تفكيره أحيانا ما أفهمه من كثر ما يتعمق في وضع الحلول لأي موضوع من الألف إلى الياء في شتى جوانبه ، طلبته يساعدني في وضع الحلول رفض أنحرجت وقلت له بعفوية أنا عندي الحل بالفعل مو بالقول وبثبت لك وأنا أصلا مو برأسي أي حل قال وش حلك علميني قلت لا لو علمتك ما صار حل أصر يعرف وإذا ما علمتيني بروح وبحول جوالي ودوري علي ساعتها تحصليني بالقبر 0 وحصل ورمى دواه حق القلب البارحة حاولت فيه يبي حل ينهي مشكلتي معه اللي أتعبته حسب قوله جسديا ونفسيا عشان يقول تعبت ، قلت له بعلمك بكره ، يقول علميني يمكن اللي في رأسك في رأسي ، قلت له ما أعرف وش برأسك قال قولي وإذا هو بقول لك ـ ينتظر كلامي بكرة وأنا محتارة وش أقول له بكرة وأصلا ما عندي حلول لشكه فيني وعدم ارتياحه مع العلم أنه يقتنع بكلامي 0 وأنا وحدة أخاف ربي ومالي في الغلط وهو ما خذاني إلا مقتنع فيني بس الشيطان شاطر يبي يفرقنا وكيف أحط حلول بدون ما يقول لي هذي حلول حطيتيها عشان نفسك لأنك تفكري بنفسك مو عشاني عشان ما تخسريني وأدور غيرك بس هو دايم يقول لي إذا كان محله وأبي شورك ، أنا عمري ما كنت أنانية وأحب نفسي على حساب غيري ، كيف أحسسه بأهميته بحياتي وإيش هي الطريقة والحلول اللي تريح باله وتخليه يعيش معي مرتاح البال بدون ما يفكر بأشياء سلبية مغايرة للواقع والحقيقة 0 هو دايم يقول لي أنت ممنتي صريحة معي لو عندك الشجاعة والصدق اعترفي بأخطائك يصرع يبيني أعترف له أعترفت بأخطائي قبل أتزوجه والحين عنده شك أن عندي أخطاء بعد الزواج يمكن يفكر كذا بس دايم يقول اعترفي رغم أني أقول له أفتري على نفسي عشان ترضى عني وتصدقني وأبقى مصدر شك 0 رغم أن فيه كل الصفات الي منها صادق وصريح وجريئ بعكسي أخاف أخسره وأبي أحافظ عليه 0 أحلف بالله موضوعي كبير وأبي حل اليوم حل يكون تدريجي كل يوم أطبقه معه حتى نوصل لحل يريح كلا الطرفين ـ أرجوك 0