الله يـجـازي مــن يـســوي سـواتــك وبذنوب من سـوى سواتـك يجازيـك



مشـيـت درب الثـقـل وتـحــب ذاتـــك مـاتــدري إنـــه للـمـهـالـك يــوديــك




وغــرك جمـالـك ياخـسـارة حـلاتــك ماتـدري إن ماغـيـر طبـعـك يحلـيـك




بـتـقــول زيــنــك يـشـفــع لـسـيـآتــك الحسن ماهو عن وفا الحـب يعفيـك




لـو التواضـع والـوفـا مــن صفـاتـك بعـت الحبايـب كلهـم ديـن واشـريـك




لـكــن عـجــزت أغـيــرك يـاجـراتـك علـى الغيـاب اللـي بـلا عـذر ينجيـك




مــا فـاتـك التجـريـح والـعـذر فـاتـك وتبغي رضاي ألحيـن ماعـاد يمديـك




صحيـح أحبـك بــس هــاذي جـزاتـك بـعـلـمــك درسـيـفــيــدك ويـحـيــيــك




تدري وش أبيض من خفوقك عباتك وتدري وش اللي غرني نظرتي فيك




أدري بتسـتـغـرب تـصـبــر وجــاتــك قصـيـدة مـــن واحـــد كـــان يبـغـيـك




تبغـي تناظـر وانـت عـايـش ممـاتـك شف وحدتك والناس تجلس حواليك



تبغي تشوف أشجع رجل في حياتك شفني وأنا مقفي على كثر ما أغليك