عملية زراعة الدواجن بالصور (ملطوش حصري)...!

[فرشت رمل البحر]

بسم الله الرحمن الرحيم
احممممم هذا الموضوع ملطوش لعنونكم
بس للأمانة حأذكر اسم كاتب الموضوع في نهاية العملية اوكيشن
هذي العلمية تسمى عملية زراعة الدواجن


وهني راح أوريكم عملية هالزراعة المنزلية خطوة خطوة


اول شي لازم تشترون مزرعة خخخخخ وإذا في كلافة عليكم مو شرط
يكفي تشترون كومة هالفــلــة هذول





بس أهم شي يكونون ولادين مادري بيـّاضين .. يعني دجاجات شقرديات عليهم معتمد
أيضا لابد تشترون لكم فـقـّـاسة بيض .. والي هي هاذي

الي بالمبرز بيلاقونها عند السيد على شارع الراشدية , او عند محلات الزراعة ماتعوقون لو بغيتوها


طيب الحين .. نجي للطريقة :


بعد ماتزغطون في بطن دجاجكم الزر والفاضل من أكل البيت والي هو أفضل انواع التغذية للدجاج
راح بعد فترة هالدجاج يربى ويجيب لكم كل يوم هالكمية من البيض :


صلو على محمد عاااد ...( اللهم صلي على محمد وآل محمد )

.

تقريبا هذا بيض 15 دجاجة .. كل وحدة تطلع لها بيضة باليوم يحليلها , ولو شدة حليها لا والله بيضتين مرة وحدة


طيب الأن حنا مشروعنا زراعة الدواجن .. بعد ماناخذ هالبيض ونغسله نروح نصفة بالفـقـّـاسة كووذي :

ونتركه على درجة حرارة 37.5 درجة مئوية .. وهي درجة حرارة الانسان الطبيعية


وهي هي نفس الدرجة الي بتكون تحت الدجاجة لين رجنت ( ربضت )على البيض


طبعا الفـقـّـاسة بيكون فيها ماء بأرتفاع نص سانتي , على شان يكون الجو رطب .. ولا ماراح يفقس البيض


وبعد حوالي 18 يوم الين 23 يوم بالكثير راح يفقس البيض حبة حبة مو كلهم مع بعض . !
خوش والله مع بعض مرة وحدة هههههه .. سبحان الله مثل المرأة في ولادتها .. وراح نشوف كيف الحين


هذا بعد مابدت البيضات تفقس وتخرج منها الكتاكيت

بعضهم لين كان الكتكوت شاد حيله لا بالله بيطلع لحالة ماشاء الله عليه ومن دون مساعدة كووذي :

مثلات الولادة الطبيعية الي يقولون والله سهالات ولادتها هالحرمة
وبعضهم يكون الكتكوت يمكن اممممم معترض في البيضة مثل كذا :

فقط يكسر جزء من البيضة ويضل محشور يوم كامل مو عارف يدبر عمره


هني لابد من التدخل الجراحي فورا لأنقاذ المولود ..


وأسهل عملية جراحية هي انك تكسر البيضة بيدك والسلام
...<< بعد يبي لها عنفصة المسألة .. !


طيب من بعد مايفقس البيض ويخرج الكتكوت بكل صحة وعافية .. لابد تكون هنالك فترة حظانة
مثل ماموجود في مستشفى الولادة بالضبط

لأن لو طلعنا الكتكوت من الفـقـّـاسة على طول بعد التفقيس ماتدرون شنو بيصير له ..


يمكن يموت .... او يطـقـّـه بو صفار ..


لذالك نترك الكتكوت داخل الفـقـّـاسة حوالي يوم الى يوم ونص فقط ..


يضل مخمر داخل الرطوبة الين يتأقلم مع العالم الخارجي مع وجهه ..
ومن بعدووه يتم تسليم الكتاكيت الى ذويهم بالفقص :

يحليلهم ربي يسلمهم , يدننوون ..


وسلم ولدهم يالله ... وخله لأمه يالله


ملاحظة : طبعا مو بعد كل هالتعب وهالشغل أروح بكل سهولة أعزم الشباب وأطبخ عليهم مندي او أسوي فيهم كبسة مساكين ...<< حرام والله


لذالك أنا بعد ماتفقس عندي الدجاجات اربيهم في المزرعة الين يبلغ عمرهم 8 أشهر
ومن بعد الــ 8 أشهر


يكون الدجاج في مرحة قابل أنه يبيض أروح أبيع أو آكل الدجاج الأوليات واخلي هذول الجدد يفقسون لي


وهكذا هي دورة زراعة الدواجن


أتمنى أني أمتعتكم معاي في هالرحلة البسيطة

ياريت ألاقي ردود حلوة تشجيعية على هالتعب عاد

هذا موضوع حصري لأحد المنتديات لعضو اسمو رمزي
نقلته لكم إذا أحد بيفلح ويسويله مزرعة دواجن وسلامتكم
فرشت رمل البحر

[عجاج الليل]

سلمتي لنا على لطشك القيّم

[فرشت رمل البحر]

ههه ولوووو إستاز عجاااج اهلا بك

[ملاك البشر]

لطشات ولا اروع

شرح بسيط ورائع
مدموج بصور
للمراحل

دمت بود

[حـــذيفــة]

عاد مدري اشلون يزرعون أوادم ؟؟؟

شكراً فرشت

[فرشت رمل البحر]

اهلين اسيرة الدمعة أعجبك
حذيفه تشبحو ذيه ليان سرى عقله بس ممكن تصير بالإستنساخ
استغفر الله تف تف ياشيطان

[عيسى ازيبي]

اقولك خففي على نفسك

[فرشت رمل البحر]

اهلا اخي عيسى