ابغى كل واحد يذكرلي موقف مر عليه محرج او مضحك ارجو التفاعل
اللعبه واضحه وأنا راح ابدأ
موقفي والله تشفقون علي كان يوم الجمعه وعندي اختبار يوم السبت في الجامعه المهم ما ذاكرت ودقيت على ولد خالي علشان نطلع نفر سوا المهم شكيتله الحال واني ما ذاكرت قال ما معاك الا ترسب قلتله احنا عندنا في الجامعة التوقيف(السجن)في الشرطه عذر قال وش بتسوي قلت خلها علي المهم اقطع اشارات واعكس شوارع وما لقينا دوريه شوف القهر يوم بغيناها ما لقيناها المهم على هل الحال حتى ممشى الملك عبدالله معروف الا عند مخرج6 في الرياض المهم وناخذ لفه كامله على الممشى بعدين حصلنا قدامنا نقطه للطواري مو للمرور وعاد تعرفون الطواري مايطلعون الا في مشكله كبيره حنا نحسبه نقطه للمرور قلي ولد خالي هذي النقطه قدامك قلت طيب وافحط بالسياره قدامهم عاد انا فحطت وواحد اطلق في الجو بالمسدس والباقي وجهوا الرشاشات علي عاد انا وقفت ورفعت ايدي وخويي يقول وش سويت قلت وش دراني انهم طواري المهم طقونا شوي على استهتارنا وبعدين فكونا
هذي والله ما انساها ودايما نتذكرها انا وولد خالي
|
 |
رد مع اقتباس
المشاركة الأصلية كتبت بواسطة الفاروق
