ضاقت الاحوال

[بنت الشمال]

اذا جار الزمن مره عليك وضاقت الاحوال .. وغنا لك بالحان القسا وازعجك بأغانيه

تذكر لك حبيبٍ صدى صوته يزيل اثقال .. ومهما تبقى في سمعك لحن حزنك بيجاريه

يشيل الهم من اصله ويسكن قلبك بموال .. ويطرد اغنية حزنك ويبدلها بغناويه

انا هاك الخليل اللي وصفته وصفة الابطال .. وانا اللي اول احبابي احبه مع بلاويه

بعيد الماضي الاحلى وبرسم بسمة الاطفال .. بعانق حبك الاول ولو طالت شقاويه

واذا بتلقى احد غيري يدر بهالزمن اموال .. وترجع تحتقر حبي وكذا بنظره تراعيه

اقول الحب ما ينفع اذا قرشه خسر وانزال .. بتتحسر وتتكدر ويضيع الخاطر ومحييه

وترجع ثم تقول اسف وتوبه ما اعيد الحال .. ويرجع حبنا الاول ويرجع للهنا راعيه

واعود واسالك تذكر زمانٍ ماضي بترحال .. تجاوبني وتحرجني انا من قبل انا ناسيه

تعال نعيش بالحاضر ونترك حزننا رحّال .. تعال نعلم العالم وش اللي حبنا يسقيه

قلوب تعرف وش معنى المحبه لو تغيب ليال .. وتنسى الهم واحزانه ولو بانت مساويه

[قلب الوفا]

قلوب تعرف وش معنى المحبه
-
الله عليك -بنت الشمال
اختيار جميل كعادتك
لك تحياتي

[محروم في دنياهـ]

كلام جميل صراحه في قمة الروووعه
كلام يعبر عن المحبه الاصيله التي تكون في القلوب لا تنسى
شكرا لك اختي على القصيده الجميله
لا عدمنا قصائدك التي كلها تفوح بعطر الياسمين
تقبلي مروووري \اخوك
محروم في دنياهـ