بسم الله الرحمن الرحيم
بنات صبايا كل عام وانتم بخير
وعيال حلال وحجه ومدانه وكبار كبر امعيد
من اهم عاداتي ليلية العيد لازم اتسكع قليل بالاسواق
واسمع تكبيرات رجال الهيئة ومن فيهم خير
واستمتع بالزحام
بعدها رجعت وضعت بعض المسات على المنزل
وفتحت النت وجلست إلين جاء الوالد وقال اخرتينا
وشوية السواق يتصل يسأل هذيلا بيروحون ولا لا
تمر وقهوة على الطاير
وبسرعة خلصت شياكتي ونزلت <<<طبعاً الركعة الاولى
راحت علينا وانا السبب حفظني الله
عاد صلاة العيد حلاتها بمصلى العيد
ومدري انا شفت السنة هذي المشهد ((مصلى العيد)) قمة في الزحمة
خلصنا واتجهنا لمنزل خيي قهوة وحلى وضحك واتصالات لبقية
العائلة المغتربين
المهم في يوم العيد إني سويت ذيك المرسه يم يم
وذاك المكشن برضة يم يم <<<محزومه اثرني
ونعم من نعم الله
بعدها جلسنا سواليف وضحك شوية وكبس النوووم
وكل واحد روح بيته يخمد
وهذي حفيدتي الجديده نرسيان
دوبني حطيت راسي على المخده إلا صفحة تتصل
اهلين يالغلا مبروك العيد ايلا وعندها هذيك الفرقة
اللي تسعد القلب قلت وش تبين تسمعين قلت لها
ويلاه لراشد قالت لهم يالله بنات قالوا لا حزينه ماتنفع يوم العيد
قالت اختاري غيرها قلت والله حنيت للجنوب هيا غنوا
ياهل الموتر اللي رايح للجنوب
اخر شي طلبت عينه رمني
الله يسعدهم كان جمعتهم مره تجنن ادامها الله عليهم
وبعدها من نوم وزيارات ونوم وزيارات
وبعدها نزلنا جده كملنا بقيت العيد والله فله
المايك للي بعدي
|
 |
رد مع اقتباس