لعشاق البــــــدر .....

[قلب الوفا]

...............................صباحكم / مساءكم ~{ جوري {






شاعـر لفت الانظار بـ شعـره .. لهُ فلسلـفه جذابه تخصـه ..
يـدلل الحرف لـ يكون مطيـع له , لـ يزرع الكـلمة على جبـين الشمس
ويقطـفها من صدر القـمر وينـثر الكلمـات في السمـاء
كـ النجـوم في لمعانـها .. فـ يقدمها لنا
يميزه عذوبة احساسه وتجسيمه للعبــارات بـ شكل تُبهر القارئ ..






اُعتـبر { مهنـدس الكلمة الشعـرية }


" بدر بن عبدالمحسن " يسيـرنا الى عالـم الابـداع في قصائده وعباراته
مبدع يا شاعرنا بكل ما تحوية الكلمة من ابداع ., حقاً تستحق المتابعة بـ جدارة









اسمه : بدر بن عبدالمحسن بن عبدالعزيز آل سعود
جنسيته : سعودي
مواليد : من مواليد حي الفوطة في مدينة الرياض عام 1949 م
عمره : حوالي 59 سنه
متزوج وله ثلاث أبناء وعشر بنات



له ثلاث دواوين ~{ ما ينقش العصفور في تمرة العذق .، رسالة من بدوي .،لوحة ربما قصيدة }
شاعر غنائي على المستوى الخليجي والوطن العربي
شارك في الكثير من الأوبريتات وأجريت معه بعض المقابلات
وأيضا له العديد من الأمسيات الشعرية




اتخذ نهج جديد في الأغنية السعودية والخليجية أحدثت تحولاً بشكل عام لذا كان هناك تعاون مع العديد من المغنين منهم { محمد عبده ، طلال مداح ، عبدالمجيد عبدالله ، عبادي الجوهر ، عبدالرب دريس ، خالد الشيخ ، احلام ، راشد الماجد ، أصاله ، أنغام ... وأغلب من تعاون معه محمد عبده وطلال مداح ..

مدخل..

{ لا تلوح للمسافر .. المسافر راح ولا تنادي للمسافر المسافر راح ..
ياضياع اصواتنا في المدى والريح القطار وفاتنا والمسافر راح !!!


ربما هي تلك الاغنية التي جعلتني
ابحث عن اجمل قصائد البدر التي قاموا بـ غنائها ..
سـ أبدا بـ فنان العرب ..

هناك 44 قصيدة غناها فنان العرب " محمد عبده " من كلمات البدر



إرحلي .. انا حبيبي .. الأرض .. الله أحد .. الله يردك لي ..
دار الأشواق .. خطأ .. خواف .. حديثنا .. ردي سلامي ..
الرياض .. ربيع الحب .. زل الطرب .. رعشة هدب .. رساله ..
ربنا واحد .. طالت الغيبة .. صوتك يناديني .. السنابل .. سهر ..
عطني في هواك الصبر .. عشاق .. النصيحة .. عيون الليل .. لاتجرحيني ..
لاتقول .. ليتي معك .. كل ماقفيت .. المسافة .. مجنونها ..
مركب الهند .. لا و الذي سواك .. هام السحب .. هل التوحيد .. مابقالي قلب ..
مرتني الدنيا .. ياسيدي .. يا هلا بك .. الفجر البعيد .. الوعد




مقتطفات من كلمات الاغاني :


ابعتذر

ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
حسايف

التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...
حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
جمرة غضى

جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى




الرسايل

وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله

صوت الأرض " طلال مداح " تقريباً غنى 45 قصيدة للبدر ..



الله يرد خطاك .. الله يعلم .. ابي النسيان .. الإختيار .. سافري ..
زل الطرب .. زمان الصمت .. ديمة .. صرخة .. سيدي قم ..
العشق .. عز الكلام .. عطني المحبة .. ظفايرها .. لا تعاتب ..
ليل البعاد .. ليلكم شمس .. القيد .. جمة و نهر .. مانسيتيني ..
الموعد الثاني .. ليلة تمرين .. ياصاحبي .. وعدتيني .. هلي الجدايل ..
الهوى .. لو تمنى .. بسكات .. العطر .. ياكريم .. شعاع ..
الله على قلب قاسي .. قادر الله .. فاتر اللحظ .. الله يعلم .. اربع ليال ..
وعد .. تذكر .. مري علي .. مانيب أنام .. الليل يانتي زمانه ..غربة و ليل .. ياويلاه .. وادعيني .. من عيوني .. هدي خطانا ..




مقتطفات من كلمات الاغاني :


أحبابك سروا

مابه احد غيري يابنت.. احبابك سروا..
لاتسأليني تغيروا.. يمكن نسوا او مادروا..
ياحلوتي ضاع الوعد.. وباكر بعد..
مري على دروب الجراح.. وتلقين احد غيري..



صعب السؤال

صعب السؤال .. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال



سوالف ليل

سوالف ليل ..
بجنب المنقد الغافي ..
على حد السهاد ..
تحدثنا في تالي ليل ..
زرعنا سرنا الخافي ..
على شفاه الجمر معنى ..
وخفنا الناس تسمعنا ..
يا انتي .. لاتوادعنا...
في تالي ليل لاتخافي ..
بنلقى اللي بقي معنا ..
سوالف ليل ..
أو حفنة رماد ...



يا طفلة

ياطفلة تحت المطر ...
تركض واتبعها بنظر ..
تركض تبي الباب البعيد ..
تضحك على الثوب الجديد
ابتل وابتل الشعر ...
لو رميتي شالك الدافي على متن السما ..
دفيت الشمس في فصل الجليد ..
لو نثرتي صوتك الحاني .. على صدر الضما
أنبت العشب وأخضرالجريد ..

" عبدالمجيد عبدالله " تقريباً غنى 17 قصيدة للبدر ..



صداقة .. تخير .. اه يالرياض .. الليالي قصار .. لا تعلمني ..
العطش .. من زعلك .. ماقول .. موت و ميلاد .. ما قلتلي ..
يا حمام .. تفداك روحي .. ناقش الحنا .. إنتظروني



مقتطفات من كلمات الاغاني :

تخيل

تاقف على اطراف الهدب .. وماشافتك عيني
صافحتني ومدري يدك هي لمست ايديني ...
سلم .. ابارد السلام ..
وهذا ترى كل الكلام ..
اللي بقى بينك وبيني ...
تخيـّــل ...


طفله وطفل

غديت انا .. وانتي .. طفلة وطفل ..
تبكين فـ وداعي .. وانا كني مفارق أهل ..
وبيتٍ صغير .. ودربٍ كهل ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي


راعي الهوى مسكين

شعر موج .. وقمر خد ..
دفا روح .. وطغى قد ..
وراعي الهوى مسكين ..
زهى الكحل .. في الحاجر الفتان
وسرى الليل .. تو الفجر ما بان
وراعي الهوى مسكين
كما الشمس .. يجهر سنا نوره
ما اقدر أناظر .. والعين مكسوره
وراعي الهوى مسكين ..
ثغر ورد .. ورده شكت ورده
من دونها الشوق .. والرمح والقرده
وراعي الهوى مسكين ..







اخطبوط العود " عبادي الجوهر " تقريباً غنى 15 قصيدة للبدر ..



غديتي شمس .. العمر أحبك .. أنا احبك .. لليل أحبك .. لا تقول ..
قمرنا .. ليلهم طال .. ناعم يا ندى .. سبلي الليلي .. قال السراب ..
المراية ..



مقتطفات من كلمات الاغاني :

مزهرية

لاإانتي وردة .. ولا قلبي مزهرية من خزف
صدفه وحده جمعتنّا .. شوفي وشلون الصدف
التقينا في مدينه .. وفرقتنا الف ميناء
اغفري للريح .. والموج .. والسفينة
كانت الرحلة حزينة .. للاسف


كفاك غرور

صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور


سوالف رحلتي

عن حبك رحلت ..
ولحبك وصلت ..
وهذي سوالف رحلتي ..
سافرت .. في كل التراب
سافرت .. لديار السحاب
وهربت من ليل اللقاء .. وسهر الغياب
وأنتي بداية رحلتي وكنتي النهايه ..
ودعتك وغصب علي خذتك معايه ..






الصوت الجريح " عبدالكريم عبدالقادر " تقريباً غنى 7قصايد للبدر ..



باتيمم .. احمدك يارب .. يطري علي .. الوله .. مرت سنة



مقتطفات من كلمات الاغاني :

آه يا الجراح

لا جيت أنا بــ سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها ..


ظماي أنت

ظماي انت .. ومن يعشق ضماه غيري
جروحي انت .. ومن يكره دواه
اسقني لو ما ارتويت .. داوني لو ما شكيت
ماهقيت اني اعطش .. في حياتي لغيرك انت
مادريت ان مابه أغلى منك ..الا انت







" عبدالرب دريس " تقريباً غنى 5 قصائد للبدر ..


اه يا صاحب .. لا .. انا انت .. ما لهم صوت ..



مقتطفات من كلمات الاغاني :

ليله

ليله لو باقي ليله ..
في عمري ابيه الليله ..
واسهر في ليل عيونك
وهي ليله عمر ..
يالله .. يالله ..
وش كثرانتي جميله
يالله .. يالله ..
وش كثرانا احبك







" علي عبدالكريم " تقريباً غنى 4 قصيدة للبدر ..



قالوا حروفي .. موعد الأحباب .. العشرة الحلوة




مقتطفات من كلمات الاغاني :

أجمل زمان

ما سألته .. إسمه .. عنوانه .. مكانه ..
ومرني .. أجمل زمانه ..
مر في قلبي وراح .. خطوته مست جراح ..
آه .. مديت النظر .. وآه .. جرحني النظر ..
وما سألته كيف .. ضيعته خجل ..
يا إنت .. خبرني من إنت ..
جرحتني وين الدوا .. وين إنت ..
انامين انادي .. وليه أنادي ..

[قلب الوفا]

خالد عبدالرحمن " تقريباً غنى 3 قصايد للبدر ..


على النوى .. عقد و سوار



مقتطفات من كلمات الاغاني :

ليل التجافي

آه ... من ليل التجافي ... ماطول
ليلة العاشق ... ثوانيها ليال
من يقول الشمس باكر مقبله
كل شمسٍ مالها ... وجهك ظلال
بسالك باللي خذى منك الوله
وحطه اف صدري ... واعطاك الجمال
حاكني ... لجل الليالي ...الآوله
آه انا بموت من ذل ... السؤال
هو صحيح انك حبيبي اللي دله
واستوى ... عندك فراقي ... والوصال
كل جرحٍ غير ... جرحك بقبله
وكل ظلم ٍ ...غير ظلمك لي ... عدال

" خالد الشيخ " تقريباً غنى 3 قصايد للبدر ..



عاشق هالزمان .. اترامى



مقتطفات من كلمات الاغاني :

قصة حب

فـ كل قصة حب أحلام ومدينة ..
ليل ونخيل وهبوب ..
لكل قصة حب لو كانت حزينه ..
أجمل ألوان الغروب ..
ناظري ضيّ الحوانيت القديمه ..
ونقش أبواب البيوت ..
كلها شعر ومواعيدٍ قديمه ..
وصوت قلبـي اللي يموت .. وما يموت ..
لكل قصة حب .. عذال وحسود ..
ليه تخدعنا الأماني .. والليالي السود .. سود
إشعلي جمر العناد .. قربـي معاد أشوفك ..
لا يفرقنا السواد ..









" راشد الماجد " تقريباً غنى قصيدة للبدر ..



مقتطفات من كلمات الاغاني :
المسافر

لا تلوح للمسافر .. المسافر راح ..
ولا تنادي للمسافر ..المسافر راح ..
يا ضياع أصواتنا .. في المدى والريح
القطار وفاتنا .. والمسافر راح ..
يالله يا قلبي تعبنا من الوقوف ..
ما بقى بالليل نجمة ولا طيوف ..
ذبلت أنوار الشوارع .. وإنطفى ضيّ الحروف
يالله يا قلبي سرينا .. ضاقت الدنيا علينا
القطار وفاتنا .. والمسافر راح ..

" احـلام " تقريباً غنت قصيدة للبدر ..



مقتطفات من كلمات الاغاني :

المحبة أرض

المحبة أرض والفرقا أراضي
والزمن كله ترى لاغبت ماضي
والله إني ما أشوف إلا عيونك
قالوا العـذّال والعـذّال مرضى
وش بلا حالك من الاشواق قاضي
قلت يهجرني حبيبي لين يرضى
علّموا الظالم ترى المظلوم راضي









" عبدالعزيز المنصور " تقريباً غنى قصيدة للبدر ..



مقتطفات من كلمات الاغاني :

نامت الشمس

نامت الشمس واستيقظ عناي ..
حال دون الكرى طيف ضوى ..
ساعة أقبل نطحته من عماي ..
صحت ياسيدي طال النوى ..
نــامت الشـمــس ..










" أنغام " تقريباً غنت قصيدة للبدر ..



مقتطفات من كلمات الاغاني :

سهر

سهر.. والدنيا نعسانه .. سهر
والفرقا كانت عن حبايبنا .. قدر
والجرح نزف الدمعتين .. والدمع شباك الحزانا للقمر ..
ِبِعد الأمل .. لما ِبِعدت وفرحي راح ..
ِبعد الزمان .. عني .. وعن عيني الصباح ..
ذي الفرقا كانت عن حبايبنا قدر ..
والجرح نزف الدمعتين .. والدمع شباك الحزانا للقمر ..
آه .. من حنانك .. لسا مالي بالدفا كل الوجود ..
وآه .. يا حبيبي .. لو بعادك كان جفى والا صدود ..
ذي الفرقا كانت عن حبايبنا سهر ..










" اصاله " تقريباً غنة قصيدة للبدر ..



مقتطفات من كلمات الاغاني :

أوقات

أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر فــ كلام
اوقات .. يا ليت الكلام سكات ..
يجرحنا الحكي ..

مخرج
{ يالله يا قلبي تعبنا من الوقوف .. ما بقى بالليل نجمة ولا طيوف ..
ذبلت أنوار الشوارع .. وإنطفى ضيّ الحروف يالله يا قلبي سرينا ..
ضاقت الدنيا علينا .. القطار وفاتنا .. والمسافر راح ..

اتمنى يكون اعجبكم الموضوع

م~ن

[لوركا]

يا حبني له الحداثه في شعرها
النبطي هو من كشف عن حسنها
اللباس


قلب

[الصاعق]

وهل يخفى البدر ..؟

قلب الوفاء ..
امطرتي صباحنا وافراً من كل مرهف فتان في ظل سطور البدر
حتى أبينا ألا نغادر الصفحة

فشكراً لك

[قلب الوفا]

لوركا
الصاعق
اسعدتموني كثيرا بهذا التواجد العطر

[:: ليالي جيزان ::]

كم انت رااائع ايه البدر



هذي مقدمه لبرنامجه غداً الساعه11 مساءً
على mbc

ليضيء سماء الـ mbc

قلب راااائعه

[قلب الوفا]

هلابك ليالي الف شكر ع تواجدك العطر
والف

[قلب الوفا]

في الليالي الوضح ..
والعتيم الصبح ..
لاح لي وجه الرياض ..
في مرايا السحب ..
كفّها فلة جديله من حروف ..
وقصة الحنا طويلة .. فـ الكفوف
من نده عطر الرفوف ..
لين صحاه ..
في ثيابك يا الف ليله..
وفي الهبوب ..
انثنينا يا هبوب النعاس .. والحلم ..
ألف غصن من اليباس ..
فز لاجلك .. وانثنى ..
اكسري الاوهام كاس ..والمواجع فم
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..
خذتها بيده ..ا ومشينا ..

***
يا نصيبي من الصور .. والرسايال
ومن كل شمس قايمه .. ومن كل ظلٍ مايل ..
يا مكاني من البيوت ..
ومن الصحاري اللي .. فرقت فكري قبايل ..
وين احب الليله .. وين اهيم ..
اقبلي مثل ديم ..
أو غصون النار تنبت فـ الغضى ..
وبين ما خلى من النخيل الفضا ..
وما نسى الغيم ..
أقبلي .. يا بختري عيوني من الربيع ..
وطل وجهي من الشتا ..
ومثل صوتي من الهبوب ..
اقبلي مثل الرياض ..
من تعاريج الدروب ..
في ضلوع الوادي ..
وين حبيتك قمر .. فوق طين أجدادي ..

***
وين احب الليله .. وين أهيم ..
ارفعي طرقة الشيله .. عن سديم ..
وكوبٍ وهاج ..
اقطعيني بنصل طرفٍ سادرٍ وحجاج ..
شقيقيني يالهبوب العارضية ..
واهدمني سياج ..
لين أغني الهوى ما هو خطيه..
يالعفاف اللي تسربل بالبياض ..
كل ما قربت يدينا ..
ناض طير.. وجض ريم ..
ما علينا ..
آه .. ما ارق الرياض تالي الليل ..
انا لو ابي ..
خذتها بيدها .. ومشينا

بدر بن عبدالمحسن

[قلب الوفا]

لليل احبك مابقى في السما نور ..
والى ضواني الليل .. للصبح أحبك ..
واللحظة اللي كلها عند وغرور ..
أشوف قبري بين عينك .. وقلبك ..
في صدري سراجٍٍ حزينٍٍ .. ومكسور ..
رغم المطر والريح .. شلته في دربك ..

كـان لـقاء ممتع جـدا خصوصا جلستهم اللى في العيـيـنه
كان جوهم
حسيت في أريحـيـه بين سعود وبدر و ماحسيت بملل أبـد
يمكن تواضع بدر بن عبدالمحسن جعل سعود أكـثر تألق
من الحلقه السابقه أذ أنتم ملاحظين زيي ؟...

يالله يالله
قمة العفويه والتـواضع
أول مره احس اني عاجـزه احكي من جـد ماادري وش أقـول
الله يطول بعمره
كنت أقول يـارب ماتـخلص الـحلقه
الجزء الأخير من الحلقه لـ بدر بن عبالمحسن كان مفعم بالرومانسيه
مشهد كيف كانو يطلون على النيل من فوق وااااااو أجرام قسم بالله
والله العظيم أول مره احب مـصر أول مره أتمنى أزورها
أحس لو أشوف الحلقه مره ثنتين ثلاث للــ مليون ماأمل بس ليته أطـول من كذا

قال أن أغنية طلال مـداح عطني المحبه كانت نقطة تحول
مايدري البدر أن مسودة قصايده اللى يكتبها تخلق من الأنسان العادي
شـاعر متمكن

عطني المحبة ..
كل المحبة .. عطني الحياه..
عطني وجودي ..
ابغى وجودي .. أعرف مداه
املا شعوري .. بالحب مره
ابغى هواكم.. حلوه ومره
وأغلى الأماني .. عاشت في غربه
ياعمر ثاني .. عطني المحبه

عطني في ليل الياس شمعه ..
وبسمة نهار..
عطني في ضياع العمر دمعه..
وسكة ودار ..
واعطيك أمل في الحب غالي ..
يصعب على غدر الليالي ..
وأغلى الأماني .. عاشت في غربه
ياعمر ثاني .. عطني المحبه

هذي الصـوره مخرج للرد
مع ان اتوقع يصعب عليكم الخروج بعد هالصوره

بـس هديه لكم

.

[قلب الوفا]

- متى الشوارع تجمع اثنين صدفه

[قلب الوفا]

تعبت أسافر في عروقي ومليت
من جلدي اللي لو عصيته غصبني
ياما تجاوزت الجسد واستقليت
عن الألم .. لاشك جرحي غلبني
أنا سجين الحال .. مهما تسليت
وانا الطليق وكل شيٍٍ قضبني
حريتي لاعل .. يا كود ياليت
اما شفت حيٍٍ جاد لي ماسلبني
وليت يا ليل التباريح وليت
اما محاني الحزن والاكتبني
كل السما في دفتري وان تجليت
مثل الشموس .. غبار قبري حجبني