اطرف الكسرات
يقول الشاعر قميش القريقري :
عالم لسطح القمر راحت
والاخ دوبه تعلّم ( وط )
كسبت من العلم وارتاحت
حتى عطارد وصل له خط .
==============================
وهذي كسرة اخرى ولكن للاسف لا اعرف قائلها
هذا المسكين كان عندهم دجاج و ما صار يذوق البيض من يوم امه قررت تبيعه فقال :
كملي عن البيض ما ذقته
ولا لي عهد فيه بالمـرّة
أمي عن البيت غيّبتـه
من يوم حطت لها صرّة
===========================
وهذي لابو شعبان الله يرحمه ويسكنّه الجنة
فقد قام احد اعيان ينبع البحر وهو الشيخ علي زارع بتوزيع بطانيات على فقراء ينبع
بمناسبة فصل الشتاء , ولم ينل ابو شعبان شيئا منها فارسل اليه يقول :
حنا ثلاثـة تواصلنـاك
دعوى معي وانت قاضينا
الفقر والبرد لا يخفـاك
يا عم سوّا مكـر فينـا
نبغى تدابير من شرواك
ننجح بها ضد اعادينـا
نبغى دناميك نرمـي ذاك
وشي عـن ذاك يدفينـا
وبعد ان ارسل له الشيخ البطانيات ومبلغا من المال
قال ابو شعبان شاكراً :
مشكور يا سيّدي مشكور
ربي لنـا يمهـل ايامـك
يجعلك طول المدى مستور
والسعد يبـراك وقدامـك
خلّيت لي خاطري مجبور
اشكر عطاياك واكرامـك
البارح البرد بات يـدور
ابعد ولا نـاش خدّامـك
=======================
ذي للشاعر ياسر الكبيدي
يقول فيها :
إبشر بذبحك سوات الديك
ولاتزعج الناس وتكاكـي
من بعد ذبحك أبا وديـك
عشان أبيعـك لكنتاكـي
=======================
وهذا آخر يقول :
الناس تلبس كبـك و آنـا
الثوب سـادة بـلا قـلاّب
البعض يمشـي بممشانـا
والبعض يمشي بغير حساب
==========================
وهذا آخر يقول :
نظرة مكر وابتسامة خبـث
بانت على وجهـك البـارد
تمشي على جنب كنك شبث
تـو اكتشفنـاك يالمـارد
============================
ماسك خط ولبّق عند قهوة على الطريق يبغى يعدل الراس
وقال :
يا قهوجي جيـب ثلاجـة
وعبّي حجر واضبط البراد
حنّا ترانـا علـى حاجـة
جيناك صدفة بـلا ميعـاد
عاد ماندري ايش فيه بالقهوه
================================
اسمعوا هذا وش قال :
حكم العزوبي على الدافـور
ماله على النـاس جبريـه
يصبح ويمسي كما العصفور
مالـه محـلات رسمـيـه
==============================
وهذا آخر يقول وهو داخل القهوة :
ياقهوجي ظبـط البـراد
وبرفقته جيـب تعميـره
حاكم حلو والكاسات جداد
لا يكون ماصخ ولا شيره
==========================
واسمع هذا وش يقول :
مافيه بوية من اللمـاع ؟
ما فالبلد سمكري شاطر ؟
يرد شايب ولـد لسـاع
ما دام له فالهوى خاطـر
|
 |
رد مع اقتباس
