قصيدة بمناسبة قدوم سلطان الخير لأرض الوطن



باسم من زاوج مزون الخِيالـي=وأنشـى منهـا عـذبٍ زلالـي
وطاب الشِّعب والحـيّ انزلوبـه=عقب ماهو شِعيبٍ قفـر خالـي
سـلام الله سـلام الله سلامـه=على العربان من شرق وشمالي
بدعت القاف يوم القـاف نايـب=عن رجال الوفا خيـر الرجالـي
وصغته من جمان ومـن زمـرّد=وبالياقـوت وأنـواع الـلآلـي
وزان العقد في نحـر الأصيلـه=وتـمّ الـزيـن ولله الكمـالـي
ألا يا نجـد يـا نجـد العذيّـه=عليـك أعيـاد ربـي بالتوالـي
ألا يـا درةٍ فـي جــوف دره=بك الله جامع ٍ زيـن الخصالـي
تَغنّي وأرقصي فاليـوم يومـك=وعلى متنك تَحلّـي بالمشالـي
ودقي يالطبـول اللـي عليهـا=سيوف العز والبيـرق يشالـي
وخلي نجـد تفـرح دام أسدهـا=أبو خالد بهـا حـط الرحالـي
عقب عنها غيابه حيـل طـوّل=وباتت تحصي طـوال الليالـي
تِمنّـى رجعتـه سالـم وغانـم=وتَدعـي ربهـا طيـب المآلـي
وآل الطيْـب والطيّـب أتـاهـا=فحمداً لـك إلهـي ذو الجلالـي
كأن الغِيم يومـه عـن قدومـك=يابو خالـد درى شـد الثقالـي
وحط بدار أبو متعـب حمولـه=وأحيا الأرض يوم السيل سالـي
فـهذا السهل ثوب أخضر لبوسه=وهذا الشيح ممـا فيـه مالـي
وشفت الورد والنرجس تراقص=ليا نسّ الهـوا فـوق التلالـي
وتغريـد البـلابـل لا تغـنّـت=وأنا جالـس بممـدود الظلالـي
ذكرت المبسم اللـي بـه أملنـا=عقـب بَالله تَعلقـت الآمـالـي
أيا سلطان خير ٍ دامـك طيبـك=عساك بطيب غِنْم وطيب بالـي
عليك الشعب والـه يـا جملنـا=ليا عجزت عن الحمل الجمالـي
لك العهد الـذي يرضـاه ربـي=لأبو متعب وأبو خالـد نوالـي
وحنـا درع لـلـدار وأهلـهـا=وعلى الباغين نوقد كل صالـي
وختم القاف صلى الله على أحمد=عدد طير ٍ بوسط الجـو جالـي
وأهل بيته عليهـم والصحابـه=رضا الرحمن مـن أول وتالـي




فارس حرب