بالفازلين لمع طبلون سيارتك ترجع وكالة بالصور !

[خيال الوهم]

كثير ما سمعنا عن تلميع الطبلون بالفازلين>>> أول مرة أسمع عنه قلنا نجيبه

او استخدام كريم الفازلين لحمايه الطبلون من الجفاف والتشققات

اللي قالك ولد عمي جربها

وتشقق طبلونه بعد اسبوع

واللي قالك ولد خالي جربها

والسياره جاتها حساسيه والشكمان صار يقطر مويه >>قويه

والكثير من الكلام الفاضي بدون تجربه

اليوم باعطيكم الزبده لاني جربته بنفسي والنتيجه كانت فوق الرائعه

وللي حاب يجرب هذي هي الطريقه

الأدوات

علبه فازلين العادي من اي صيدليه او بقاله

مناديل ورقيه او قطعه قماش قطني (نظيفه)

قماش مبلل (للتنظيف قبل وضع الفازلين)

والطريقه كالتالي/

اولا

امسح الطبلون كاملاً بالقماش المبلل لتنظيفه من اي اتربه او اوساخ

واتركه حتى يجف أو نشفه بمنديل او قماش جاف

ثانيا

خذ لك شويه فازلين على طرف اصبعك وضع 3 أو اربع نقاط على الطبلون

ثالثأ

ابدا بمسح النقاط الأربعه باصبعك بحيث توزعها على الطبلون كاملا

رابعاً (والأهم)

ركزوا معي لا تجيبون العيد

ابدا بمسح الطبلون برفق بواسطه المنديل الى ان تتكون طبقه رقيقه من الفزلين على الطبلون

(اذا احتجت تزود شوي فازلين زوده مافي مشاكل)

ملاحظه مهمه جداً

لا تزود كميه الفازلين على الطبلون لانه مع الحراره بيصير سااااائل مثل الماء بالضبط

فانتبه تزود الكميه علشان لاترجع وتلاقي الفازلين نزل على العدادات حقه السياره والفتحات المكيف والمسجل..الخ

خامساً

بعد دهن الطبلون بالطريقه الصحيحه (خطوه 4)

قفل السياره وخلها في الشمس بدون ما تضع المظله الاماميه للسياره

يعني خلي الطبلون معرض للشمس مباشره علشان يتشبع بالماده المرطبه

سادساً

خلي السياره على هالحاله يوم كامل بدون ما تمسح الطبلون

ويستحسن لو تدهن الطبلون الصباح وتروح دوامك و ترجع على العصر او المغرب

او حطه من الليل وخله لثاني يوم الظهر

وتمسحه بحسب ( الطريقه 7)

سابعاً واخيرا

امسح الطبلون وبشكل كامل من اي اثار للفازين وتفاجأ بالنتيجه

ملاحظات

- كل الخطوات السابقه من واقع تجربتي الشخصيه

يعني لا ولد عمي قال ولا ولد خالتي يقول ولا سمعت انه ولا..الخ من هالكلام الفاضي

- الفازلين ماله أثار على الطبلون

- تم التقاط الصور بعد 3 اسابيع من استخدامه

بدون ما تروح اللمعه وبدون ما يكون له اثر على لون الطبلون

- نقطه مهمه يسئل عنها الكثير

- هل يترك ريحه في السياره ؟!

- الاجابه هي لا المنتج ما يترك اي ريحه في السياره

- اروع ما في الموضوع ان الطبلون يرجع كانه جديد
وتحط يدك عليه تتوقع انه رطب (من كثر اللمعه)
لكن تحط يدك عليه وتلقاه جاف 100%

وياريت اللي يجرب يدخل الموضوع ويعطينا تجربته علشان تعم الفائده

تمت التجربه بنجاح على سيارتي هونداي النترا 2005

اترككم مع الصور

قبل الفازلين الطبلون ملون وحالته حالة

بعد الفازلين الطبلون زي الفل

الموضوع بصراحة ملطوش

[أبو نوف]

كيت كات

جرب واحنا من بعدك بما انك مشرفنا

[عجاج الليل]

كيت كات

جرب واحنا من بعدك بما انك مشرفنا

[لحظه صمت]

الفازلين طلع له فوائد كثيرة

[إنت عمري]

ههههههههههههه


بكره يقولون نيفيا