يا ضايق الصدر { بالله } وسِّع الخاطر

[قلب الوفا]

أحس حاجه هنا { } تشبه الغصّه
في كل لحظه بعد لحظه تعاودني !!

[عبده خلاف]

انا والشمس (نتحدى) على هذا الجيليد اليوم
ابـعـرف بـس مـن فينا ((بناره)) قـادر يذيبه


وانا واثق بأن الشـوق فيني ملتهب لـك (دوم)
ودون الشرح والإيضاح شوقي وانت تدري به

عبده خلاف

[ليال العمر]

حزين من الشتا والاحزين من الظما ياطير
دخيل الريشتين اللي تضفك حل عن عيني
دخيل الما ..وملح الما..وحزن الما قبل ماتطير
تهيا للهبوب اللي تصافق في شراييني
دخيل الغصن والظل والهزيل وهفهفات إعصير
دخيلك لاتشح بنجمتي والليل ممسيني
ترفرف يافقير الريش ضيقه والنهار قصير
علامك كل ماليل جناحك جيت ساريني
انا ماني بخير وجيت يمي وانت مانت بخير
وانا ياطير في من الهجاد اللي مكفيني

[قلب الوفا]

لا تحسب اني عقبكم في ندامه
ماني على حب المقفين ندمان
من باعنا بالرخص...نرخص مقامه
نشطب عليه ونتركه دوم عنوان

[أبووحيد]

" بيتك هنا "

بيتك هنا في داخل القلب لو جيت

وان ما كفاك القلب لافرش لك العين

انت الهوى وانت دفا الشمس للبيت

يا وحشتي دونك لو غبت يومين

تعال ورجعلي انفاسي بوجودك

تعال وحسسني بغلا ريحة ورودك

كل شئ مر فغيابك حتى نور البيت ظلما

وفرحتي بدقات بابك ارتوى منها واضمى

صورتك قدام عيني ما انام الا احضنها

يالله رد فيني ورجع الور حل وطنها

بيتك هنا لو جيتي ..

[اجـــتـــيـــاح]

ما هقيت إن القمر مثله قمر
ألين شفتك يا شبيه أحلى ملاك

[:: ليالي جيزان ::]

يا الظروف الي علي وين ما وجه صعايب
ياكثر ما مسحت الدمع منها براس كمي ،،

[قلب الوفا]

أحآول أكتم أنفاسي أعدّي ضيقتي وأنام
أبآعدهم عن عيوني يجون فـ مُعظم أفكآري
أناديهم تعبت أقسى أجامل وأحترق أيّام
يطول الوقت وأتناسى من البآيع من الشآري !

[اجـــتـــيـــاح]

غيبتك لو هي دقيقة تعتبر صدة
الوقت عقبك سجن وغيابك سياجه

لا تعتذر لي ترى ما عاد في شده
أعيد حكيٍ يكود الصدر مخراجه

[وجدان]

جابني صوتك سمعته في حشاي
هز فيني الروح بعد مانا قتيل

كان هجرك من قديمٍ هو مناي
وصار وصلك غايتي لو هو قليل

:
:

وجدان

[البليبل]

قالت قصيدك ليل سود معانيه .... رويانة بالدمع وامدادها دم
إلى متى ياشاعر الهم تخفيه ..... وإلى متى تحني ضلوعك علي هم
قلت البكا صعب عليه وانا ابيه .... لا واهني اللي بكى وماتندم
لي عبرة يلعب بها الحزن والتيه ... ولي صرخة واتعبت ابلقا لها فم
لا ماكتبت الشعر لاحد بسليه ..... ولا نيب مداح ولا اباترنم
احساس لا ابيعه ولانيب شاريه ..... مر يجي شهد ومرات علقم
اليا لمحتي دم جوفي اف خليه ..... على الورق لا صار روحك تألم
قلت الشعر يوم ان لي رغبة فيه .... وحزين انا الى متى الله يعلم
مهندس الكلمة

[قلب الوفا]

ابسألك يا دنيا وبعطيك عنوان
ليش اللي قلبه طيب دايم خسران
الله عالم بخافيا الناس واسراره
والله عالم بكل الطيب وعلومه

[قلب الوفا]

[البليبل]

يا ليتني قبل أعـرف أركض تعلمت أطيح
لأجل أتقي شـر عثـراتي وأعـاف الوطا
يا ليتني قبل أعرف أتعب عرفت أستريح
عشان ما توجـع دروبي ثقيـل الخطا !
.
.
.

[قلب الوفا]

يطيح جفن الليل واهز كتفه ..
نجم يشع وباقي الليل مطفي

واحاكي الجدران عن وصف غرفه ..
ماتشبه الجدران ويطول وصفي

وتملني الجدران واظهر لشرفه ..
تحت السماء واسكر الباب خلفي

ريح تهب وتسكن القلب رجفه ..
وتموت ريح وتسكن اوراق نزفي

على الروابي تهطل دموع وطفه ..
وتصب لمع بروقها وسط طرفي

ياطاري الغدران والعمر رشفه ..
مع قلها ياليتها يوم تصفي

الحب واجد مير الاقدار صلفه ..
والارض واجد لاكن العزم منفي

واللي اعرفه راح مانيب اعرفه ..
ولا ظن يذكرني الا اقبلت مقفي

مر مر هالليل وأمر قطفه ..
يالحنظل اللي قمت اذوقه بكفي

ماهو حبيبي مورد القلب حتفه ..
ولاهو حبيبي يفرح بوقت ضعفي

متى الشوارع تجمع اثنين صدفه ..
لاصار شباك المواعيد مجفي

يابنت تو الليل ماراح نصفه ..
وياليل بعض اللي مضى منك يكفي

[أبن أبيه]

اعشق سميك في(؟) وادعيه
واقبل خطاه الى اخطا واتلقاه
واسمك يروعني الى مر طاريه
واحب ملقوف ٍ يسولف وطراه
وامر بيتك من بعيد ٍو لا اجيه
وانا لونه في يدي ما اتعداه
حتى(تواير) (موتري) تلتفت فيه
تبغي تلف ويستحي العقل والجاه
وصلك يخيط الصدر والبعد يفريه
ويابري حالي كان صديت برياه

[:: ليالي جيزان ::]

قم بهر الدله على طارف الجمر
خل القرض يوضي على داجي الليل

يكفيك نوم(ن) زل ياعالي القدر
مانمت أنا ياصاح وانهد بي الحيل

سولف معي وافتل لي العلم والأمر
ياهي سوالف يالخوي مالها كيل

لا عز وصل الزين وش عاد ياعمْر
غير السوالف تنسِي الزين والويل

ناظر معي القمرا قبل يطلع الفجر
حس بنسيم الليل وانظر معي سهيل

هات الربابه وقوسها من ورا الظهر
واملا البياله شاقني العود والهيل

غني على المسحوب من هو بلا عذر
حث المطايا ماذكر راعي الخيل

يلقى من الكسرات مايجرح الصدر
من غالي(ن) له شد مافيَّض السيل

[~تراتيل~]

الأمَل مَا هو أمـانيّ .. الأمـلَ مرقىْ صعّيبْ
لوَ أعانيّ مَا أعانيّ ، ظنيّ بِ | الله | ما يخيِبْ

[البليبل]

:
:
:
بإختصـــــــار :
:
7
7
7

[دلال]

مساحات الفرح تصغر ولا يبقى سوى همي..
وضياع احلام وفراق(ن) ترگ في داخلي برگان..



تعبت استوهم الفرحه تعبت ابگي على حلمي..
تعبت اوقف على اطلاله وادور له على عنوان..



اشوفگ يالحزن وافي گأن اللي رضعگ أمي..
او انگ جيت من غربه ولقيت فداخلي اوطان..


أداويگ وتداويني وتخلط دمك بدمي..
قطفت القلب وعروقه وتبدل داخلي شريان..



واذا اقبلت بجروحي تناديني "هلا عمري"
وانا اجاوب "هلا باللي وفا اگثر من الخلان"