تراك بحلم لو تحسب أبترجاك وارجعلك

[صامطية]

[SIZE=اممممم]

تبي فرقاي؟؟ وش يعني؟؟ تراني عشت من قبلك
شربت وكلت واتنفس طبيعي مثل كل الناس
تظن انك بتذبحني اذا تقطع علي وصلك ؟؟
ترى نجوم السما اقرب ولا تزرع بقلبي ياس


تراك بحلم لو تحسب أبترجاك وارجعلك
وانا اللي مع حليب امي شربت العز والنوماس
ودام انها خربت، قرب، ترا فرصه أصرحلك
لأني كنت متردد حسب انك معك احساس


ترى مااستوعبك عقلي ولاقلبي تريحلك
ولا يوم ارتفع سهمك وقدرك واطيٍ ينداس
وانا كنت ادري بطبعك ولكن قلت اسايرلك
واشوف لأي مدى يوصل طموحك يا ردي الساس


أنا اخطيت مايخفى عليك وغلطتي وصلك
وانا أدري خطى مثلي كبيره حيل بالمقياس
واذا تبغى الصدق نادم على وقتٍ مضى لجلك
خطى فحسابي يوم اني رفعتك فوق كل الناس


وانا شايف مدام انها تجي من عندك اريحلك
عساك تلاقي الشخص الذي يشوف الرخم جرناس
عسى يتجاهل اطباعٍ رديه مع ردى أصلك
وابد لاتيأس وربي جعل كل ناس ولهم ناس


عسى يعمى عن عيوبك يشوفك شيخ وقتٍ لك
عسى تتوافق أفكارك وأفكاره سوا بقياس
عسى عيونه يشوفونك عديم ونادرٍ مثلك
عسى حسنك يغطيله عيوبٍ فالوضوح اشماس


وانا لاتحلم بوصلي نصيحه،، والله ناصح لك
تراك بتتعب وقلبك بتطحن به رحاة الياس
واذا ناوي على فرقاي تراني عشت من قبلك
شربت وكلت واتنفس طبيعي مثل كل الناس

[/SIZE]

[بن سمن]

ليه مانكشف او نصارح بعضنا الا عند او بعد الفراق
ليه مانتذكر الاشياء الحلوة بعد الفراق
ليه مانتقبل انه الحياة لقاء وفراق
ليه الصداقة والحب موجودة فقط على الاوراق
صدقيني اختي صامطية لو كل منا واجه نفسه بأخطاءه واعترف مرة ان سبب في الفراق لما وجد الفراق

[حاكم العشاق]

جميله ذائقتك
تقبلي مروري
دمتي بود