الضيقه الي ترتجي غربه الشمس
تعبت آعدد من صبوحه تعاسا
أظرب بها الاخماس وآجاوب الهمس
والفكر حاير والحنايا تجاسا
تظرب على أوتار النظر وأمســــك الخمس
أحاول اكتم من جروحي تباسا
ياليت يدي للتعب تطمسه طمس
طمسن محا من دفتره لي تحاسا
رباه من ذنبي دموعي لها حمس
على فراشي حيلتي ماتواسا
ناس على النومه ولايكمل الرمس
وناسن على همومه اليامن تماسا
دمتم في حفظـ الرحمـــن ...
يسلمو على الطرح الراقي والجميل
واخي انصحك تسمع قصيده ابن فطيس المري { الضيقه}
اسعدني مرورك ياحاكم
قصيده جدا جميله وعندما دخلت كنت اظنها قصيد المري
وشكله حاكم كان يظن مثلي واهديها لكم لاني احب قصيدة المري
(( الضيقه ))
الضيقه اللـي دايمـاً تالـي عصيـر
وش حيلتـي واردّهــا لا تجيـنـي
لاطال ظل العود حزة عشـى الطيـر
كنها على سجـن الحديـد تحدينـي
يضيق صدري كل ما جـت واسيـر
ولا يخفـف سـوج رجلـي حنينـي
لاحولنـا مشـراف ولا اقـدر اطيـر
يالله قسـمـة خـيـر لا تبتليـنـي
وعقارب الساعه توقف عن السيـر
ولاكن في الدوحه سواتـي حزينـي
والعبره اللي تاصل الحلـق وتحيـر
ياقربها لـو قيـل لـي ( ياعوينـي)
امل شـوف النـاس وردّ ومصاديـر
واللي يقول اشفيـك كنْـه يهجينـي
يعني على ماقيل من بـاب تصويـر
( لحد ٍ ابي قربه ولا احـد ٍ يبينـي)
اروح ادوّر( خط) ما بـه( دواويـر)
وادوّر الـلـي هـادهـا تهديـنـي
واخذ مع الهاجـوس سجـه وتفكيـر
واراجع اللـي فـات بينـي وبينـي
واحسّـب ذنوبـي وادوّر لتكفـيـر
وعسـاي ماقصـرت فـي والدينـي
وعساي ماقارنت مـن ينفـخ الكيـر
واللي يحمل المسـك جعلـه قرينـي
ويطري علي يوم الحشر واطلب مجير
ما اعطى كتابي في شقيقـة يمينـي
ويطري على صدقان كثـر الدنانيـر
اللـي تعادينـي الـى كثـر ديـنـي
وراع الهروج اللي سوات المناشيـر
اصـد عنـه وادري انـه يعنيـنـي
الله حسيبه يـوم عـرض القواريـر
والله حسبي مـن صـواب ٍ مكينـي
والى طرالـي واحـد ٍ كانـه صغيـر
امـا اصغـر بيوميـن ولا سنينـي
دريت وش قومـي وعينـت تفسيـر
للضيقه اللـي مـن زمـن تعترينـي
حبه بصدري سالفة سـر فـي بيـر
وكـن الفـواد يقـول هـذا زبينـي
اشفق على علم ٍ يجي منه من غيـر
مايسمع اللي سولفـوا بـه ونينـي
العام اجيهم مـن حسـاب المساييـر
واليوم حـال عـداي وينـه ووينـي
ياكثرهم غيـره ولكـن خبـر خيـر
ماغير شوفه فـي الوجـود يهنينـي
رايـي كـذا ياعاشقيـن الغنـاديـر
ماله على وجـه البسيطـه وزينـي
خطاي تعليق الامـل فـي المدابيـر
إليـن راح وشفـت حقـري بعينـي
صبر جميـل وخابـر انهـا مقاديـر
والله على تخفيـف حزنـي عوينـي
ذي حالتي لين اتغبا الشمس واصيـر
معطى صراحي عقب ما انا سجينـي
والى امتلا جوف الشجر بالعصافيـر
طلبـت مـن رب العبـاد يهديـنـي
يعتقني المذن عقب ضيقـة عصيـر
اللي على سجـن الفـراق تحدينـي
"اللهم أغفر لأبي ورديمه وأرحمهما "
اسعدني مرورك وطلتك يالسموه
ضوابط المشاركة
رد مع اقتباس