اسمع يا زعلان
نزعل ونتكبر وحنا مـن الطيـن
والكل منا يصـد لا أقبـل خويـه
نفخر نقول إنا على الصد قاويـن
وهـي علينـا فالحقيقـه قويـة
ننسى نهايتنا وعلى ويـن ماشيـن
وننسى الزمان اللي جمعنا سويـه
المشكلة ماهي بحاجـه لتخميـن
ولاهي يانـاس صعبـه القضيـة
دق الـــرقـــــــــــــــــــــــم
كيفك . هلافيك . واهلين
انا الخوي اللـي مزعـل خويـه
تغيب وصورتـك داخـل العيـن
ويبقى لحبك فـي خفوقـي بقيـه
اخواااااان حنا لويجي بيننـا شيـن
وما نفتـرق دام المحبـة نـديـه
خلك قوي لاتحتكرك الشياطيـن
قبل الفوات وقبـل وقـت المنيـه
هاذي هي الدنيا من الحين للحيـن
لابد بين النـاس تحصـل خطيـه
ومن لايقدر غلطة احبابه الحيـن
يقرا حروفـي ويعتبرهـا هديـه
باااكر تمر سنين وسنيـن وسنيـن
والكل يرحل فالدرووووووب المديه
صدقني تندم واذكر حروفنا زيـن
تندم على خلك اذاغـاب ضيـه
دنيا غريبه واكثر النـاس ماشيـن
وكم صاحب والله دفنته بيديه
|
 |
رد مع اقتباس
