فجأه... رن جوالي

**تركوش** · 08 -04- 2010, 11:35 PM

كنت نايم.. وبعالم الأحلام هايم..

مادري في شو كنت أحلم

مره احس اني اسوق سياره..

ومره اقول كنت مضيف طياره..

كان الجو بارد..

وكنت متغطي وشارد..

رن التلفون

وقلت ياترى من يكون؟؟

هذا المزعج هل هو صديق ولا مزيون..

هل هو عاقل ولا مجنون؟؟

رديت عليه وانا كلي شك وظنون!!

وبـرقه بعد ماكنت عصبي انا انسان حنون..

سمعت صوت ماتوقعته.. :

ولا في خيالي تخيلته..

ولا حتى بحلمي سمعته..

بنت..

قلت هلا

وقالت اهلين..

ندى موجوده؟؟

قلت وأنا صوتي رايح فيها..

لحظه شوي بناديها..

وجلست أصوت واقول ندى .. يامن ندى

يلاقيها..

ورديت للسماعه وقلت مادري وين راحت الله

يهديها..

بس دقيقة ماعندنا ندى!!

وبادر البنت خوف!!

قالت آسفه غلطانه..

قلت ولا يهمك عادي لا تكونين زعلانه؟؟

مايهم اذا ماعندنا بالاسم فلانه..

وقالت شكلك كنت نايم..

قلت لا.. توني قايم..

قالت تدرس ؟؟

قلت الدراسه خلاص باح..

انتي شكلك تدرسين؟؟

كيف اختباراتك ؟؟ عسى أنكم مرتاحين..

قالت باقي لنا ونخلص يومين

وخايفه والله من مادتين..

قلت من الاختبارات لآ تخافين..

دامك الليل تذاكرين..

وعلى الله تعتمدين..

واللي يزرع جح ( بطيخ ) ما يحصد يقطين..

أهم شي انك ماتنسين..

قبل الاختبار الله تدعين..

ومن إبليس تتعوذين..

خلقه من نار وخلقنا من طين..

وجلسنا نسولف في أمور..

من شو اسمك الين غلاء المهور..

قالت اسمي (ترانيم) وقلت لها انا خالد

وقالت

تصدق كنت اتمنى يسموني نوال!!

تصدقين وانا كنت اتمنى يسموني جمال

وجلسنا نسولف في بحور الشعر والموال..

وماهمنا كلام الناس والعذال..

وفجاءة خلصت السوالف ولا لقينا اللي

ينقال؟؟

وسكتنا..

وبدلع..قالت أنت تشجع الاهلي؟؟

قلت في قلبي.. مادري أجاوبك بكف ولا

بنعال..

بالله عليك هذا سؤال؟؟

قلت أنا نصراوي.. وما يهمني القيل والقال..

هذا العالمي هذا حبه طاح في القلب ولا

ينشال..

والشمس مايغطيها غربال..

قالت شمعنى النصر !!..

قلت يا بنت.. النصر فن ولعب ويفوز باللي

حضر..

وجمهوره له كلمة وامر..

يابنت..لا تغريني بالكثير..

لو تضربين مليون بصفر تساوي صفر..

وا حتشرنا وشبينا.. بس بسرعه انطفينا..

الظاهر بعضنا هوينا..

وبدرب الحب ابتدينا..

قالت.. ابراهيم..

قلت آمري يا ترانيم..

قالت اوصف لي شكلك..

هذا وين توهقنا..

شوفي العرب لونهم واحد

ولسانهم واحد.. واحلف بالله ولا غيره أحد

أني مب طويل ولا قصير..

شعري ناعم مثل الحرير..

قالت والعيون..

قلت العيون شبرين في ثلاثه اشبار

قالت اسد..

قلت شكرا يا احلى شهد

المهم ان تواعدنا..

والموعد باكر في المول قررنا..

بين خوف وامل تواعدنا..

وقضيت ليلتي في حيرة..

وش البس؟؟ والله حيرة..

مافي غيرها يفك الحيرة.. شيشه و تعميرة..

ورجعت للبيت اعاتب امسي وابتسم لغدي..

وبصعوبة نمت.. قعدت اتقلب وون..

يا قلبي قلي شو اللي من الحب اهون؟؟

غريبه هالدنيا غريبة..

وراحت ليلتي.. وزادت بلوتي..

اليوم موعدي.. انا والحب بنلتقي..

وكشخت

لبست فوق راسي غترتي..

في مكان اللقاء تغيرت حتى خطوتي..

صرت ارتجف واترنح بمشيتي..

كائني انساق للموت وهاذي نهايتي..

مب سوالف شجاعة.. هذي اكبر بطولاتي..

اذا خسرت بتضيع احلى امنياتي..

جلست ادور والف وحول المكان اطوف..

وين هذيك العين اللي عليها قلبي ملهوف..

ود؟؟ ياليت الناس تجي وتشوف..

وفجاءة..

وصلني مسج..

يقول..

سويتها فيك يا خالد..

رد بيتكم وخل عنك ها لسوالف ياتـعبان

روح نام ..

تعيش وتاكل غيرها

و سويتها فيك ..

:المرسل

الوالده